ຕາມຂ່າວCRI: ກິດຈະກຳພັນຄົນຊິມອາຫານຈີນໄດ້ຈັດຂຶ້ນຢູ່ແຂວງນະຄອນສະຫວັນໄທໃນຕອນຄ່ຳວັນທີ 18 ກຸມພານີ້ໂດຍຄະນະພໍ່ຄົວທີ່ມາຈາກເມືອງນີງໂປ່ ແຂວງເຈີ້ຈ່ຽງສ.ປ.ຈີນໄດ້ແຕ່ງອາຫານແບບພາກໃຕ້ຈີນໃຫ້ແກ່ປະຊາຊົນໄທ ເຊິ່ງມີພັນກວ່າຄົນເຂົ້າຮ່ວມ.
ທ່ານວິສະນຸ ເຄືອງາມ ຮອງນາຍົກລັດຖະມົນຕີໄທກໍ່ເຂົ້າຮ່ວມກິດຈະກຳດັ່ງກ່າວ, ທ່ານກ່າວວ່າ, ຄະນະພໍ່ຄົວເທື່ອນີ້ແມ່ນກະຊວງວັດທະນະທຳຈີນຄັດເລືອກແລະສ້າງຕັ້ງຂຶ້ນ ເພື່ອໃຫ້ປະຊາຊົນໄທໄດ້ຊິມອາຫານທີ່ເຄີຍອຳນວຍໃຫ້ກອງປະຊຸມສຸດຍອດ G20 ເມືອງທັງໂຈ່ວ, ຂະນະທີ່ຕົນກໍ່ມາຊິມອາຫານຫຼັງໄດ້ຮູ້ຂ່າວດັ່ງກ່າວ. ກິດຈະກຳສະຫຼອງບຸນກຸດຈີນຂອງນະຄອນສະຫວັນໄດ້ມີປະຫວັດ 102 ປີແລ້ວ, ນີ້ແມ່ນຜົນທີ່ຊາວຈີນຢູ່ໄທ ແລະ ປະຊາຊົນໄທສາມັກຄີກັນ, ຢູ່ປອງດອງກັນ ແລະ ຮ່ວມຈິດຮ່ວມໃຈກັນ. ລັດຖະບານຈີນ ແລະ ໄທຮ່ວມກັນຈັດກິດຈະກຳສະຫຼອງບຸນກຸດຈີນ, ກໍເປັນການສະແດງໃຫ້ເຫັນເຖິງໄທ-ຈີນບໍ່ແມ່ນໃຜອື່ນໄກ.
