ຕໍ່ກໍລະນີທີ່ສື່ມວນຊົນກຳປູເຈຍລາຍງານວ່າ ເຢຍລະມັນຈຳກັດການອອກວີຊາໃຫ້ເຈົ້າໜ້າທີ່ຂັ້ນສູງກຳປູເຈຍ ພ້ອມຄອບຄົວ ວັນທີ 19 ກຸມພານີ້, ໂຄສົກກະຊວງການຕ່າງປະເທດ ແລະການຮ່ວມມືສາກົນກຳປູເຈຍໄດ້ປະຕິເສດໂດຍກ່າວວ່າ: ມາຮອດປັດຈຸບັນນີ້, ກຳປູເຈຍບໍ່ໄດ້ຮັບແຈ້ງການຈາກລັດຖະບານເຢຍລະມັນກ່ຽວກັບການຈຳກັດການອອກວີຊາໃຫ້ເຈົ້າໜ້າທີ່ຂັ້ນສູງປະເທດຕົນ ພ້ອມຄອບຄົວຂອງເຂົາ.
ໂຄສົກຜູ້ນີ້ກ່າວຕື່ມວ່າ: ຂ່າວລາຍງານວ່າເຢຍລະມັນຈຳກັດການອອກວີຊາໃຫ້ເຈົ້າໜ້າທີ່ຂັ້ນສູງກຳປູເຈຍ ເຊິ່ງເຈົ້າໜ້າທີ່ຂັ້ນສູງເຫຼົ່ານີ້ລວມທັງທ່ານຮຸນເຊັນ ນາຍົກລັດຖະມົນຕີ ພ້ອມຄອບຄົວ, ເຈົ້າໜ້າທີ່ທະຫານຂັ້ນສູງ ແລະປະທານສານຂັ້ນສູງເປັນຕົ້ນແຕ່ຂ່າວດັ່ງກ່າວບໍ່ຖືກຕ້ອງຕາມຄວາມຈິງ. ເຢຍລະມັນ ແລະກຳປູເຈຍມີສາຍພົວພັນມິດຕະພາບທີ່ດີ ແລະໄລຍະຜ່ານມາກໍບໍ່ມີຄວາມຂັດແຍ້ງແຕ່ຢ່າງໃດ.
ມາຮອດປັດຈຸບັນນີ້, ອາເມລິກາແມ່ນປະເທດພຽງໜຶ່ງດຽວທີ່ຈຳກັດການອອກວີຊາໃຫ້ເຈົ້າໜ້າທີ່ຂັ້ນສູງກຳປູເຈຍ ພ້ອມຄອບຄົວຂອງເຂົາ.