ໃນໄລຍະບຸນກຸດຈີນ, ສະຖານທີ່ທ່ອງທ່ຽວອັງໂກວັດປະເທດກຳປູເຈຍໄດ້ຕ້ອນຮັບນັກທ່ອງທ່ຽວຕ່າງປະເທດ 7 ໝື່ນກວ່າຄົນພາຍໃນ 6 ວັນ, ໃນນັ້ນນັກທ່ອງທ່ຽວຈີນມີຫຼາຍກວ່າໝູ່.
ອົງການຄຸ້ມຄອງອັງໂກວັດເປີດເຜີຍໃນວັນທີ 20 ກຸມພານີ້ວ່າ, ໃນ 6 ວັນຜ່ານມາ, ມີຄົນຕ່າງປະເທດ 74202 ຄົນໄດ້ຊື້ປີ້ເຂົ້າປະຕູອັງໂກວັດ, ໃນນັ້ນສ່ວນຫຼາຍແມ່ນນັກທ່ອງທ່ຽວຈີນ.
ນອກນີ້ກະຊວງທ່ອງທ່ຽວກຳປູເຈຍເປີດເຜີຍໃນວັນທີ 19 ກຸມພານີ້ວ່າ, ໃນໄລຍະບຸນກຸດຈີນ, ປະຊາຊົນກຳປູເຈຍປະມານ 9 ແສນຄົນໄດ້ໄປທ່ຽວສະຖານທີ່ທ່ອງທ່ຽວຕ່າງໆໃນປະເທດຕົນ.
ທ່ານທອງຄົນ ລັດຖະມົນຕີກະຊວງທ່ອງທ່ຽວກຳປູເຈຍກ່າວວ່າ, ປະຊາຊົນກຳປູເຈຍກໍນິຍົມໄປທ່ຽວຕ່າງປະເທດໃນວັນພັກແລະນັບມື້ນັບຫຼາຍຂຶ້ນ, ລວມທັງໄປທ່ຽວປະເທດຈີນແລະປະເທດໃກ້ຄຽງອື່ນໆ.