ຂ່າວສານສາທາລະນະລັດອິດສະລາມອີຣານລາຍງານໃນວັນທີ 20 ກຸມພານີ້ວ່າ: ໃນວັນດັ່ງກ່າວ, ເຈົ້າໜ້າທີ່ຊ່ວຍເຫຼືອໄດ້ຄົ້ນພົບຊາກຍົນທີ່ເກິດເຫດຕົກໃນວັນທີ 18 ກຸມພານີ້ຢູ່ພາກຕາເວັນຕົກສຽງໃຕ້ອີຣານ.
ຂ່າວສານດັ່ງກ່າວໄດ້ອ້າງຕາມການເປີດເຜີຍຂອງທ່ານຣາເມຈັນ ຊາຣີຟ ໂຄສົກກອງປ້ອງກັນການປະຕິວັດອິດສະລາມອີຣານໂດຍລາຍງານວ່າ: ເຮືອບິນເຮລີກົບແຕຂອງກອງປ້ອງກັນການປະຕິວັດໄດ້ຄົ້ນພົບຊາກຍົນໃນຕອນເຊົ້າວັນທີ 20 ກຸມພານີ້ ແລະເມື່ອອາກາດເອື້ອອຳນວຍກໍຈະສົ່ງເຮືອບິນເຮລີກົບແຕ ແລະພະນັກງານຊ່ວຍເຫຼືອໄປຊອກຄົ້ນຫາຢູ່ບໍລິເວນທີ່ພົບຊາກຍົນ.
ວັນທີ 18 ກຸມພານີ້, ຍົນໂດຍສານເພົາປີ່ນໃບພັດATR-72ຂອງບໍລິສັດການບິນອາເຊມານອີຣານໄດ້ຕົກຢູ່ບໍລິເວນໃກ້ເມືອງເຊມິຣົມລະຫວ່າງທາງຈາກນະຄອນຫຼວງເຕເຮລານມຸ່ງໜ້າສູ່ເມືອງຢາສຸດທາງພາກຕາເວັນຕົກສຽງໃຕ້ ເຮັດໃຫ້ 66 ຄົນທີ່ໃນຍົນເສຍຊີວິດທັງໝົດ ຂະນະທີ່ບ່ອນເກີດເຫດຫ່າງຈາກເມືອງຈຸດໝາຍປາຍທາງຢາສຸດປະມານ 23 ກີໂລແມັດ.