ທ່ານຊຸນສົງປິ່ນ ຫົວໜ້າກົງສຸນໃຫຍ່ຈີນປະຈຳແຮມເບີກປະກອບຄຳເຫັນໃນພິທີເປີດກິດຈະກຳ
ກິດຈະກຳ"ຍຸກຈີນ"ຄັ້ງທີ 7 ໄດ້ໄຂຂຶ້ນຢູ່ສຳນັກງານອົງການປົກຄອງເມືອງແຮມເບີກ ເມືອງທ່າຂອງປະເທດເຢຍລະມັນໃນວັນທີ 20 ກຸມພານີ້ໂດຍທ່ານຊຸນສົງປິ່ນ ຫົວໜ້າກົງສຸນໃຫຍ່ຈີນປະຈຳແຮມເບີກ,ທ່ານໂອລັຟ ໂຊນສ ເຈົ້າເມືອງແຮມເບີກພ້ອມດ້ວຍຜູ້ຕາງໜ້າຈາກວົງການການເມືອງ,ເສດຖະກິດແລະວົງການຕ່າງໆໃນສັງຄົມທັງສອງປະເທດຈີນ-ເຢຍລະມັນ 400 ກວ່າທ່ານໄດ້ເຂົ້າຮ່ວມພິທີເປີດກິດຈະກຳດັ່ງກ່າວແລະສະເຫຼີມສະຫຼອງບຸນກຸດຈີນປີຈໍ.
ທ່ານໂຊນສຢືນຢັນວ່າ ກິດຈະກຳ "ຍຸກຈີນ"ເປັນເທດສະການຈີນທີ່ສຳຄັນທີ່ສຸດຢູ່ເຢຍລະມັນ, ກິດຈະກຳຄັ້ງນີ້ບໍ່ພຽງແຕ່ຈະມີງານມະຫະກຳດົນຕີຫຼາຍຄັ້ງເທົ່ານັ້ນ ຍັງຈະເນັ້ນການແລກປ່ຽນດ້ານວັດທະນະທຳແລະສັງຄົມອີກດ້ວຍ.
ກິດຈະກຳ"ຍຸກຈີນ"ແຮມເບີກແມ່ນອົງການປົກຄອງເມືອງແຮມເບີກເຢຍລະມັນລິເລີ່ມຈັດຂຶ້ນໃນປີ 2006 ແລະທຸກໆສອງປີຈັດຂຶ້ນເທື່ອໜຶ່ງ ເຊິ່ງມີຈຸດປະສົງໃນການຈັດເວທີປຶກສາຫາລືແລະການສຳມະນາ ກ່ຽວກັບສິລະປະກຳ,ວັດທະນະທຳ,ການເມືອງ,ເສດຖະກິດ,ການສຶກສາແລະຂົງເຂດອື່ນໆ, ໂຄງການວັດທະນະທຳແລະ ການປະຕິບັດຕົວຈິງອື່ນໆເພື່ອສະແດງໃຫ້ມວນຊົນທັງຫຼາຍໄດ້ເຫັນເຖິງສະພາບຄວາມເປັນຈິງຕ່າງໆຂອງຈີນກໍຄືປະຫວັດໃນການໄປມາຫາສູ່ກັນລະຫວ່າງເມືອງແຮມເບີກກັບຈີນໃນໄລຍະຫຼາຍປີຜ່ານມາ.
