ຂ່າວສານຊີຣີລາຍງານວ່າ: ກຸ່ມປະກອບອາວຸດຊີຣີທີ່ສະໜັບສະໜູນລັດຖະບານກຸ່ມທີສອງໄດ້ເຂົ້າສູ່ເຂດອັຟຣິນ ທາງພາກເໜືອປະເທດນີ້ໃນວັນທີ 21 ກຸມພານີ້ເພື່ອກຽມສູ້ຮົບຕໍ່ຕ້ານກອງທະຫານຕວກກີ.
ຂ່າວແຈ້ງວ່າ: ຫຼັງຈາກກຸ່ມປະກອບອາວຸດນິຍົມລັດຖະບານກຸ່ມທຳອິດເຂົ້າສູ່ເຂດອັຟຣິນ 24 ຊົ່ວໂມງແລ້ວ, ກຸ່ມປະກອບອາວຸດກຸ່ມທີສອງກໍໄດ້ໄປເຖິງເຂດດັ່ງກ່າວເຊັ່ນກັນ ທັງຖືກຈັດສັນໄປປະຕິບັດໜ້າທີ່ຢູ່ເຂດທີ່ກ່ຽວຂ້ອງເພື່ອຊ່ວຍປະຊາຊົນທ້ອງຖິ່ນປົກປ້ອງບ້ານເມືອງ. ກອງທະຫານປົກປ້ອງປະຊາຊົນ ເຊິ່ງເປັນກຸ່ມປະກອບອາວຸດເຄີດຢູ່ເຂດອັຟຣິນໄດ້ອອກຖະແຫຼງການເພື່ອສະແດງຄວາມຊົມເຊີຍຕໍ່ກຸ່ມປະກອບອາວຸດຊີຣີທີ່ນິຍົມລັດຖະບານເຂົ້າສູ່ເຂດອັຟຣິນ.