ເລີ່ມແຕ່ວັນທີ 22 ກຸມພານີ້ເປັນຕົ້ນໄປ, ກະຊວງພາຍໃນແລະແຮງງານກຳປູເຈຍຈະລົງກວດກາພະນັກງານຕ່າງປະເທດຂອງທຸກວິສາຫະກິດຢ່າງເຂັ້ມງວດວ່າມີໃບຢັ້ງຢືນໃນການເຮັດວຽກທີ່ຖືກຕາມກົດໝາຍຫຼືບໍ່, ສຳລັບແຮງງານຕ່າງປະເທດທີ່ຜິດກົດໝາຍ, ທັງນາຍຈ້າງແລະລູກຈ້າງຈະຖືກປັບໄໝຢ່າງໜັກຫຼືຖືກໄລ່ອອກຈາກປະເທດ.
ເຈົ້າໜ້າທີ່ຮັບຜິດຊອບວຽກງານໃບອະນຸຍາດເຮັດວຽກສຳລັບຄົນຕ່າງປະເທດຂອງກະຊວງພາຍໃນແລະແຮງງານກຳປູເຈຍຢືນຢັນວ່າ ສຳລັບຄົນຕ່າງປະເທດທີ່ບໍ່ມີໃບຢັ້ງຢືນເຮັດວຽກທີ່ຖືກຕ້ອງຈະຖືກປັບໄໝ 125 ໂດລາສະຫະລັດ ແລະຍັງຕ້ອງຈ່າຍຄ່າທຳນຽບໃບຢັ້ງຢືນເຮັດວຽກຕື່ມອີກ. ຄົນຕ່າງປະເທດທຸກຄົນເຊິ່ງລວມທັງາຄູອາຈານສັນຊາດຕ່າງປະເທດຂອງໂຮງຮຽນເອກະຊົນແລະຄົນຕ່າງປະເທດທີ່ຫາກໍ່ເຂົ້າປະເທດກຳປູເຈຍເພື່ອເຮັດວຽກນັ້ນລ້ວນແຕ່ຕ້ອງຂໍໃບຢັ້ງຢືນເຮັດວຽກທີ່ຖືກຕ້ອງກ່ອນ. ນາຍຈ້າງຫຼືລູກຈ້າງຕ່າງປະເທດສາມາດຂໍເອກະສານໄດ້ຢູ່ກະຊວງພາຍໃນແລະແຮງງານກຳປູເຈຍຫຼືຂໍທາງອິນເຕີເນັດໂດຍຕ້ອງຈ່າຍຄ່າທຳນຽມ 30 ໂດລາຫະລັດ.