ທ່ານເອີເນັສໂດ ເປເນຍ, ຜູ້ອຳນວຍການໃຫຍ່ອົງການພັດທະນາເສດຖະກິດແຫ່ງຊາດຟີລິບປີນເປີດເຜີຍໃນວັນທີ 21 ກຸມພານີ້ວ່າ, ມູນຄ່າການຄ້າລະຫວ່າງຟີລິບປີນແລະຈີນໄດ້ເພີ່ມຂຶ້ນຢ່າງຕໍ່ເນື່ອງໃນຫຼາຍປີຜ່ານມາ, ປັດຈຸບັນຈີນໄດ້ຄອງຖານະເປັນຄູ່ການຄ້າໃຫຍ່ອັນດັບໜຶ່ງຂອງຟີລິບປີນ.
ໃນໂອກາດເຂົ້າຮ່ວມເວທີປຶກສາຫາລືການຄ້າແຫ່ງໜຶ່ງທີ່ຈັດຂຶ້ນໃນວັນທີ 21 ກຸມພານີ້, ທ່ານເປເນຍກ່າວວ່າ, ຍອດມູນຄ່າການຄ້າລະຫວ່າງຟີລິບປີນແລະຈີນໄດ້ເພີ່ມຂຶ້ນຢ່າງຕໍ່ເນື່ອງໃນຫຼາຍປີຜ່ານມາ, ໃນນັ້ນມູນຄ່າການນຳເຂົ້າສິນຄ້າຈາກຈີນໄດ້ເພີ່ມຂຶ້ນຢ່າງຈະແຈ້ງ, ແລະໄດ້ຮັກສາຄວາມໄວເພີ່ມຂຶ້ນ 20,7% ຕໍ່ປີເລີ່ມແຕ່ປີ 2010 ຫາປີ 2017. ເຮັດໃຫ້ຈີນລື່ນກາຍຍີ່ປຸ່ນແລະໄດ້ກາຍເປັນຄູ່ການຄ້າໃຫຍ່ອັນດັບໜຶ່ງຂອງຟີລິບປີນເມື່ອປີ 2016, ແລະໄດ້ຄອງຖານະດັ່ງກ່າວໃນປີ 2017.
ທ່ານເປເນຍເຫັນວ່າ, ການສົ່ງອອກສິນຄ້າຕໍ່ຈີນຂອງຟີລິບປີນຍັງມີຊອງວ່າງເພີ່ມຂຶ້ນ, ແລະຫວັງວ່າການຄ້າລະຫວ່າງສອງປະເທດຈະສາມາດເພີ່ມຂຶ້ນຢ່າງວ່ອງໄວໃນອະນາຄົດ.
 |
