ກອງປະຊຸມປຶກສາຫາລືພາກສ່ວນປະກອບຢາວັກແຊງປ້ອງກັນໄຂ້ຫວັດໃຫຍ່ຕາມລະດູການຢູ່ເຟື້ອງໂລກເໜືອປີ 2018-2019 ທີ່ອົງການອະນາໄມໂລກ ຫຼື WHO ຈັດຂຶ້ນຢູ່ເຊີແນວນັ້ນ ໄດ້ສິ້ນສຸດລົງໃນວັນທີ 22 ກຸມພານີ້ ໂດຍໄດ້ໃຫ້ຄຳເຫັນກ່ຽວກັບພາກສ່ວນປະກອບຢາວັກແຊງປ້ອງກັນໄຂ້ຫວັດໃຫຍ່ຕາມລະດູການໃນຕໍ່ໜ້າ. WHO ໄດ້ເນັ້ນວ່າ: ມີຄວາມຈຳເປັນໃນການປ່ຽນພາກສ່ວນເຊື້ອພະຍາດໃນຢາວັກແຊງປ້ອງກັນໄຂ້ຫວັດໃຫຍ່ຕາມກຳນົດເວລາ ເພື່ອເພີ່ມທະວີປະສິດທິຜົນຂອງຢາວັກແຊງ.
ທ່ານປີເຕີ ຊາລາມາ ເອກອະທິບໍດີອົງການອະນາໄມໂລກເພື່ອຕ້ານເຫດການສາທາລະນະສຸກເສີນ ໄດ້ກ່າວປາໄສວ່າ: ຈຸດພິເສດຈຸດໜຶ່ງທີ່ສຳຄັນທີ່ສຸດຂອງໄຂ້ຫວັດໃຫຍ່ທີ່ແຜ່ລະບາດຕາມລະດູການກໍຄື ມັນສາມາດສ້າງໂສກນາດຕະກຳ ໂດຍເຮັດໃຫ້ປະຊາຊົນເປັນພັນເປັນໝື່ນຄົນເສຍຊີວິດໃນທົ່ວໂລກ ເຊິ່ງແຕ່ລະປີມີປະມານ 650.000 ຄົນເສຍຊີວິດຍ້ອນເປັນໄຂ້ຫວັດໃຫຍ່ຕາມລະດູການ.
WHO ເນັ້ນວ່າ: ການປ່ຽນພາກສ່ວນເຊື້ອພະຍາດໃນຢາວັກແຊງປ້ອງກັນໄຂ້ຫວັດໃຫຍ່ຕາມກຳນົດເວລາມີຄວາມຈຳເປັນຢ່າງຍິ່ງ ເພື່ອເຮັດໃຫ້ຢາວັກເຊງມີປະສິດທິຜົນຢ່າງຍິ່ງໃນການຮັບມືກັບເຊື້ອພະຍາດໄຂ້ຫວັດໃຫຍ່ທີ່ມີການປ່ຽນແປງເລື້ອຍໆ. ຕາມທີ່ເຄີຍປະຕິບັດຜ່ານມາ, ອົງການຕິດຕາມຄຸ້ມຄອງຢາຊັກແຊງ ແລະ ບໍລິສັດຜະລິດຢາຂອງປະເທດຕ່າງໆຈະຮ້ອງຂໍໃບອະນຸຍາດເພື່ອພັດທະນາ ແລະຜະລິດຢາວັກແຊງ.ກ່ຽວກັບການປ້ອງກັນໄຂ້ຫວັດໃຫຍ່ທີ່ແຜ່ລະບາດຕາມລະດູການນັ້ນ ກ່ອນອື່ນກໍຄືສັກຢາວັກແຊງ ໂດຍສະເພາະເດັກນ້ອຍ, ຜູ້ເຖົ້າ ແລະ ຜູ້ເປັນພະຍາດຊຳເຮື້ອ. ນອກນີ້, ການສ້າງຄວາມຄຸ້ນເຄີຍທີ່ດີໃນການຮັກສາສຸຂະພາບຂອງຕົນກໍເປັນເລື່ອງທີ່ສຳຄັນທີ່ສຸດ.
