ໜັງສືພິມ "ວຽງຈັນທາມ" ລາຍງານວ່າ: ໃນກອງປະຊຸມຄະນະກຳມະການໂທລະສັບສາຍດ່ວນຄັ້ງທຳອິດທີ່ຈັດຂຶ້ນຫວ່າງມໍ່ໆມານີ້, ທ່ານນາງ ວຽງສະຫວັນ ດວງສະຫວັນ ຮອງຫົວໜ້າຫ້ອງວ່າການສຳນັກງານນາຍົກລັດຖະມົນຕີ ກ່າວວ່າ: ໂທລະສັບສາຍດ່ວນສາມາດຊ່ວຍລັດຖະບານໃນການຮັບຮູ້ສິ່ງທີ່ສົນໃຈຂອງປະຊາຊົນໄດ້ດີກວ່າເກົ່າ ແລະ ສາມາດແກ້ໄຂບັນຫາໃຫ້ປະຊາຊົນຕາມສະພາບຄວາມເປັນຈິງ.
ທ່ານນາງ ວຽງສະຫວັນ ກ່າວຕື່ມວ່າ: ລັດຖະບານໃຫ້ຄວາມສຳຄັນຕໍ່ບັນຫາທີ່ປະຊາຊົນສົນໃຈນຳ ເຊິ່ງກວມເອົາທຸກຂະແໜງການ ທັງຫາວິທີແກ້ໄຂບັນຫາຕາມກົດໝາຍ ດ້ວຍຄວາມໂປ່ງໃສ ແລະ ທ່ຽງທຳ.
ເພື່ອຮັບຮູ້ບັນຫາແລະຄຳເຫັນທີ່ປະຊາຊົນສົນໃຈໃຫ້ດີກວ່າເກົ່າ ສຳນັກງານນາຍົກລັດຖະມົນຕີລາວ ໄດ້ເປີດສາຍດ່ວນເບີ 1516 ໃນວັນທີ 4 ພະຈິກປີ 2016. ຈາກນັ້ນມາ, ກົມປະຊາສຳພັນ ຫ້ອງວ່າການສຳນັກງານນາຍົກລັດຖະມົນຕີ ໄດ້ເປີດເຜີຍບົດລາຍງານສະບັບໜຶ່ງ ໂດຍສະແດງໃຫ້ເຫັນວ່າ ມີປະຊາຊົນ 2.700 ຄົນໄດ້ໂທສາຍດ່ວນດັ່ງກ່າວ ແລະ ໃນນັ້ນ ມີ 2.250 ເທື່ອຄົນມີຂໍ້ສະເໜີຕໍ່ລັດຖະບານ ໂດຍສະເພາະບັນຫາທີ່ດິນແມ່ນບັນຫາທີ່ໄດ້ຮັບຄວາມສົນໃຈຫຼາຍທີ່ສຸດ ລວມທັງໝົດມີ 735 ເລື່ອງທີ່ມີສ່ວນກ່ຽວພັນເຖິງຊັບສິນທາງທີ່ດິນ. ນອກນີ້, ບັນຫາທີ່ປະຊາຊົນສົນໃຈອ່າວຫຼາຍຍັງມີບັນຫາຢາເສບຕິດ, ເງິນເດືອນ, ການສໍ້ລາດບັງຫຼວງ, ການຕັດໄມ້ແບບຜິດກົດໝາຍ ແລະອື່ນໆ.
