ໃນໄລຍະບຸນກຸດຈີນປີນີ້, ນັກຂ່າວໄດ້ຂັບລົດໄປເກັບກຳຂ່າວຢູ່ຊົນນະບົດຫ່າງໄກສອກຫຼີກ 20 ກວ່າແຫ່ງຢູ່ເມືອງປົກຄອງຕົນເອງເຜົ່າຫຸຍເຜົ່າຢີສິນຕ້ຽນແຂວງຢຸນນານ ສປ ຈີນ ໂດຍໄດ້ສຳຜັດກັບທາງຫຼວງຢູ່ຊົນນະບົດທີ່ໄດ້ພັດທະນາແບບກ້າວກະໂດດໃນຊຸມປີຜ່ານມາ ເຊິ່ງຫ້ອງການຄົມມະນາຄົມ-ຂົນສົ່ງເມືອງດັ່ງກ່າວໄດ້ເປີດເຜີຍວ່າ: ນັບແຕ່ປີ 2012-2017, ເມືອງຕົນໄດ້ດຳເນີນການກໍ່ສ້າງໂຄງການທາງຫຼວງຊົນນະບົດລວມທັງໝົດກວ່າ 1.485 ກິໂລແມັດ ເຊື່ອມຕໍ່ບ້ານບໍລິຫານ 174 ບ້ານ 100% ເປັນການສ້າງຄວາມສະດວກໃຫ້ແກ່ການເດີນທາງໄປມາຂອງປະຊາຊົນ ນອກນີ້, ກໍເປັນການຊຸກຍູ້ການພັດທະນາເສດຖະກິດຊົນນະບົດເຊັ່ນດຽວກັນ ກໍຄືການສ້າງທາງແຫ່ງຄວາມສຸກໃຫ້ແກ່ປະຊາຊົນທ້ອງຖິ່ນທີ່ສາມາດສ້າງລາຍຮັບເພີ່ມຂຶ້ນແລະຫຼຸດພົ້ນຈາກຄວາມທຸກຍາກ.
