ຢູ່ບ້ານຊີໂຢຕາແສງຊ່ານຊີ່ເມືອງນານເຟີ່ງແຂວງຈ່ຽງຊີ່ ສປ ຈີນທີ່ຖືກຂະໜານນາມວ່າ "ເມືອງລຳນົວ" ມີຫ້ອງຮຽນລຳນົວແຫ່ງໜຶ່ງ ທີ່ມີເດັກນ້ອຍຢູ່ບ້ານດັ່ງກ່າວ, ໃນນີ້, ຜູ້ມີອາຍຸສູງສຸດແມ່ນ 16 ປີ ແລະນ້ອຍສຸດແມ່ນມີອາຍຸ 10 ປີ. ນັກລຳນົວທັງໝົດໃສ່ໜ້າກາກ ແລະເສື້ອສີສົດໃສຫຼາກຫຼາຍສີສັນ, ເຕັ້ນລຳນົວຢ່າງກົມກຽວກັນເບິ່ງແລ້ວສວຍງາມຫຼາຍ. ການເຕັ້ນລຳນົວນານເຟີ່ງມີປະຫວັດສາດຄວາມເປັນມາຫຼາຍກວ່າ 2000 ປີ. ນັບແຕ່ປີ 2006 ເປັນຕົ້ນມາ, ເພື່ອຮັກສາວັດທະນະທຳນົວໃຫ້ສາມາດໄດ້ຮັບການສືບທອດ, ທ່ານເຢ້ເກີ່ນມີງ ຜູ້ສືບທອດລຳນົວທີ່ເປັນມໍລະດົກວັດທະນະທຳບໍ່ແມ່ນວັດຖຸໄດ້ສອນວິທີເຕັ້ນລຳນົວໃຫ້ເດັກນ້ອຍຢູ່ບ້ານດັ່ງກ່າວຕາມເວລາຫວ່າງຂອງໂມງຮຽນ ກໍຄືໄລບະພັກຍາມລະດູໜາວ ແລະຮ້ອນ ເຊິ່ງໄດ້ຝຶກຊ້ອມການເຕັ້ນລຳນົວໃຫ້ເດັກນ້ອຍຫຼາຍກວ່າ 80 ຄົນ.
