ຕາມຂ່າວຈາກເວັບໄຊກະຊວງການຄ້າຈີນ, ໜັງສືພິມນານຢາງຊຽງປ້າວຂອງມະເລເຊຍລາຍງານວ່າ, ຫວ່າງບໍ່ດົນມານີ້, ທ່ານອຶງກາຊວນ, ຮອງລັດຖະມົນຕີກະຊວງການຄ້າສາກົນ ແລະອຸດສາຫະກຳມະເລເຊຍກ່າວວ່າ, ອີງຕາມສະຖິຕິຂອງດ່ານພາສີຈີນ, ເດືອນມັງກອນປີ2018, ມູນຄ່າການຄ້າລະຫວ່າງມະເລເຊຍກັບຈີນມີເຖິງ 8ຕື້ 930ລ້ານໂດລາສະຫະລັດ, ພາຍໃນເດືອນດຽວຈີນ ໄດ້ຈັດຊື້ສິນຄ້າເປັນມູນຄ່າ 5,14ຕື້ໂດລາຈາກມະເລເຊຍ.
ທ່ານອຶງກາຊວນກ່າວຕື່ມວ່າ,ຈີນເປັນຄູ່ການຄ້າໃຫຍ່ອັນດັບໜຶ່ງຂອງມະເລເຊຍ, ປີ 2017 ຍອດມູນຄ່າການຄ້າສອງຝ່າຍມີເຖິງ 96 ຕື້ໂດລາ, ຈີນຈັດຊື້ສິນຄ້າເປັນມູນຄ່າ 54,3ຕື້ໂດລາ. ຖ້າຈີນບໍ່ໄດ້ຈັດຊື້ສິນຄ້າມະເລເຊຍ, ລາຄາຂອງຜະລິດຕະພັນສຳຄັນປະເພດຕ່າງໆຂອງມະເລເຊຍ ເຊິ່ງລວມທັງ ນ້ຳມັນປາມ, ຜະລິດຕະພັນຢາງພາລາ, ເຄື່ອງໃຊ້ໄຟຟ້າ, ເຄື່ອງເອເລັກໂຕຼນິກ, ອາຍແກັດທຳມະຊາດ, ນ້ຳມັນເຊື້ອໄຟ ແລະຜະລິດຕະພັນກະສິກຳອື່ນໆກໍຈະຫຼຸດລົງຢ່າງຫຼວງຫຼາຍ.