ວັນທີ 23 ກຸມພານີ້, ທ່ານໂດນັນ ທຣຳ ປະທານາທິບໍດີອາເມລິກາປະກາດວ່າ, ຈະປະຕິບັດການຂວ້ຳບາດໜັກກວ່າໝູ່ໃນປະຫວັດສາດ ຕໍ່ ສປປ ເກົາຫຼີ. ມື້ດຽວກັນ, ກະຊວງການເງິນອາເມລິກາປະກາດຈະປະຕິບັດການຂວ້ຳບາດຕໍ່ 56 ອົງກອນແລະສ່ວນບຸກຄົນ, ເພື່ອຕັດແຫຼ່ງທຶນຂອງໂຄງການນິວເຄຼຍເກົາຫຼີ.
ທ່ານທຣຳໄດ້ໃຫ້ທັດສະນະດັ່ງກ່າວໃນເວລາກ່າວປາຖະກະຖາໃນກອງປະຊຸມຂອງບຸກຄົນທີ່ຍຶດຖືອະນຸລັກນິຍົມ.
ຫຼັງຈາກນັ້ນ, ກະຊວງການເງິນອາເມລິກາໄດ້ອອກຖະແຫຼງການ ໂດຍກ່າວວ່າ, ເທື່ອນີ້, ຈະມີບໍລິສັດຂົນສົ່ງດ້ວຍກຳປັ່ນແລະບໍລິສັດການຄ້າ 27 ແຫ່ງ, ກຳປັ່ນ 28 ລຳ, ແລະບຸກຄົນຄົນໜຶ່ງຖືກຂວ້ຳບາດ. ນອກນັ້ນ, ກະຊວງການເງິນອາເມລິກາກັບກະຊວງການຕ່າງປະເທດອາເມລິກາແລະກອງຕຳຫຼວດປ້ອງກັນຝັ່ງທະເລອາເມລິກາ ຍັງຈະຮ່ວມກັນປະກາດ "ຄຳເຕືອນຕໍ່ການຂົນສົ່ງດ້ວຍເຮືອກຳປັ່ນທົ່ວໂລກ", ໂດຍເຕືອນວ່າ ຜູ້ທີ່ດຳເນີນການຄ້າກັບ ສປປ ເກົາຫຼີ ໂດຍຜ່ານການຂົນສົ່ງດ້ວຍກຳປັ່ນນັ້ນຈະຖືກຂວ້ຳບາດ.
ຕາມຂໍ້ກຳນົດທີ່ກ່ຽວຂ້ອງ, ຊັບສິນຢູ່ອາເມລິກາຫຼືຖືກຄົນອາເມລິກາເບີ່ງແຍງ ຂອງບຸກຄົນແລະອົງກອນທີ່ຖືກຂວ້ຳບາດຈະຖືກງົດໄວ້, ແລະປະຊາຊົນອາເມລິກາບໍ່ໃຫ້ດຳເນີນການຄ້າກັບ ສປປ ເກົາຫຼີຢ່າງເດັດຂາດ.
 |
