ຕາມຂ່າວCRI: ຕອນຄ່ຳວັນທີ 23 ກຸມພານີ້, ກິດຈະກຳໂຄມໄຟເພື່ອສະຫຼອງປີໃໝ່ຈີນຊິດນີ 2018 ໄດ້ຈັດຂຶ້ນຢ່າງຍິ່ງໃຫຍ່ຢູ່ທ່າດາລີງ (Darling Harbour) ທີີ່ມີນັກທ່ອງທ່ຽວຈຳນວນຫຼວງຫຼາຍ.
ນັບແຕ່ປີ 2015 ເປັນຕົ້ນມາ, ກິດຈະກຳໂຄມໄຟປີໃໝ່ຈີນຊິດນີທີ່ຈັດຂຶ້ນໂດຍສະມາຄົມຊຸກຍູ້ການແລກປ່ຽນເສດຖະກິດການຄ້າ ແລະ ວັດທະນະທຳຈີນຂອງອົສຕຼາລີ ແລະ ກຸ່ມບໍລິສັດສື່ແລະວັດທະນະທຳນານໄຫຂອງອົສຕຼາລີນັ້ນກໍ່ໄດ້ກາຍເປັນງານມະຫາກຳທີ່ສະແດງວັດທະນະທຳຫຼາຍເຄົ້າປະຈຳປີຂອງທ້ອງຖິ່ນ, ເຮັດໃຫ້ຈີນຕ່າງດ້າວ, ຊາວອົສຕຼາລີທີ່ມີເຊື້ອສາຍຈີນ ແລະ ພົນລະເມືອງທ້ອງຖິ່ນ ພ້ອມທັງນັກທ່ອງທ່ຽວທີ່ມາຈາກແຫ່ງຕ່າງໆຂອງໂລກມີໂອກາດສຳຜັດກັບສະເໜ່ຂອງວັດທະນະທຳອັນເປັນມູນເຊື້ອຂອງຈີນໂດຍຜ່ານການຊົມໂຄມໄຟທີ່ສວຍງາມ.