ວັນທີ 24 ກຸມພານີ້ ບຸກຄົນພາກສ່ວນຄວາມໝັ້ນຄົງໂຊມາລີເຜີຍໃຫ້ຮູ້ວ່າ, ການຫຼອນໂຈມຕີດ້ວຍລະເບີດລົດຍົນສອງເລື່ອງທີ່ເກີດຂຶ້ນຢູ່ນະຄອນຫຼວງໂມກາຕີຊາແຫ່ງໂຊມາລີ ໄດ້ເຮັດໃຫ້ມີຜູ້ເສຍຊີວິດເຖິງ 32 ຄົນ.
ຕາມຂ່າວຈາກພາກສ່ວນຄວາມໝັ້ນຄົງ,ໃນເວລາ 6 ໂມງແລງວັນທີ 23 ກຸມພານີ້, ມີລົດທີ່ບັນຈຸລູກລະເບີດຂອງພວກປະກອບອາວຸດຄັນໜຶ່ງໄດ້ລະເບີດຂຶ້ນຢູ່ບ່ອນໃກ້ສຳນັກງານໃຫຍ່ອົງການຂ່າວລັບແລະຄວາມໝັ້ນຄົງແຫ່ງຊາດໂຊມາລີ,ຫຼັງຈາກນັ້ນ 15 ນາທີ, ມີລົດຄັນໜຶ່ງແລ່ນໄປສູ່ທຳນຽບປະທານາທິບໍດີໄດ້ລະເບີດຂຶ້ນຢູ່ຕາມຖະໜົນຫົນທາງໃກ້ກັບທຳນຽບປະທານາທິບໍດີ. ການລະເບີດສອງຄັ້ງລ້ວນແຕ່ເກີດມີສຽງດັງໃຫຍ່.
ຕາມຂ່າວວ່າ, ມີຜູ້ປະກອບອາວຸດ 5 ຄົນຖືກຍິງຕາຍຢູ່ເຂດໃກ້ກັບທຳນຽບປະທານາທິບໍດີ, ແລະມີພະນັກງານຄວາມໝັ້ນຄົງຂອງໂຊມາລີຄົນໜຶ່ງໄດ້ເສຍຊີວິດໃນການຍິງປືນກັນ.
ພັກຊາວໜຸ່ມໂຊມາລີກ່າວວ່າໄດ້ກໍ່ເຫດການຫຼອນໂຈມຕີດ້ວຍລະເບີດລົດຍົນໃນວັນທີ 23 ກຸມພານີ້, ພັກຊາວໜຸ່ມແມ່ນອົງການຫົວຮຸນແຮງທີ່ມີສ່ວນກ່ຽວຂ້ອງກັບອົງການອັນເຄດາ, ໃນຫຼາຍປີມໍ່ໆມານີ້ໄດ້ກໍ່ເຫດການຫຼອນໂຈມຕີແບບກໍ່ການຮ້າຍຫຼາຍເທື່ອຢູ່ໂຊມາລີແລະປະເທດໃກ້ຄຽງ.
 |
