ຫຼັງຈາກຈັດກິດຈະກຳແຫ່ຂະບວນບຸນກຸດຈີນຢູ່ນະຄອນຫຼວງບຣູກແຊນປະເທດແບນຊິກເປັນເວລາ 2 ປີຢ່າງລຽນຕິດແລ້ວ, ການແຫ່ຂະບວນບຸນກຸດຈີນປີ 2018 ໄດ້ມາຮອດເມືອງເກນທ໌ ເຊິ່ງເປັນເມືອງເກົ່າວັດທະນະທຳພັນປີຂອງແບນຊິກໃນວັນທີ 24 ກຸມພານີ້.
ທ່ານຊິກຟຣິດ ປຣາກ ປະທານສະພາຕ່ຳແບກຊິກຍ້ອງຍໍກິດຈະກຳແຫ່ຂະບວນມີຄວາມມ່ວນຊື່ນ ແລະ ຫຼາກຫຼາຍສີສັນ, ມີຜົນດີເພິ່ມທະວີຄວາມເຂົ້າໃຈກັນລະຫວ່າງແບນຊິກ ແລະ ຈີນ.
ເທື່ອນີ້ແມ່ນກິດຈະກຳແຫ່ຂະບວນບຸນກຸດຈີນຈັດຂຶ້ນຢູ່ເມືອງເກນທ໌ເປັນເທື່ອທຳອິດ. ທ່ານສີຊີ່ງ ເອກອັກຄະລັດຖະທູດຈີນປະຈຳແບນຊິກບອກໃຫ້ຮູ້ວ່າ, ຫວັງວ່າກິດຈະກຳມ່ວນຊື່ນຕ່າງໆໃນຍາມບຸນກຸດຈີນສາມາດກ້າວໄປສູ່ທຸກແຫ່ງຫົນຂອງແບນຊິກ.
ເມືອງເກນທ໌ແມ່ນຕົວເມືອງທີ່ມີອິດທິພົນ ແລະ ຈຸດພິເສດຂອງເຂດຟຣານເຕີສ໌ ພາກເໜືອແບນຊິກ, ມີປະຫວັດສາດອັນຍາວນານ, ມີການຮ່ວມມືກັບຈີນໃນຫຼາຍດ້ານ, ເປັນແບບຢ່າງແຫ່ງກ່ານຮ່ວມມືກັແບບຕ່າງຝ່າຍຕ່າງມີຜົນປະໂຫຍດລະຫ່ວາງຈີນ ແລະ ແບນຊິກ.
