ຕາມຂ່າວ CRI: ຕອນຄ່ຳວັນທີ 25 ກຸມພານີ້ຕາມເວລາທ້ອງຖິ່ນ, ງານກິລາໂອລິມປິກລະດູໜາວຄັ້ງທີ 23 ໄດ້ຈັດພິທີອັດລົງຢູ່ເມືອງພຽງຊາງ ສ ເກົາຫຼີ.
ທ່ານໂທມັສ ບັດຊ ປະທານຄະນະກຳມະການໂອລິມປິກສາກົນປະກາດປິດງານກິລາໂອລິມປິກລະດູໜາວຢ່າງເປັນທາງການ, ໂດຍກ່າວຢ້ຳແນວຄິດສະແຫວງຫາສັນຕິພາບຂອງງານກິລາໂອລິມປິກ, ພ້ອມກັນນັ້ນໄດ້ຂອບໃຈນຳຄວາມພະຍາຍາມຂອງເຈົ້າພາບແລະອາສາສະໝັກເພື່ອຈັດງານຄັ້ງນີ້ປະສົບຜົນສຳເລັດເປັນຢ່າງດີ.
ໃນຖານະເປັນເຈົ້າພາບຈັດງານກິລາໂອລິມປິກລະດູໜາວຄັ້ງຕໍ່ໄປ, ທ່ານເນຈີນິງ ເຈົ້າຄອງນະຄອນຫຼວງປັກກິ່ງ ສປ ຈີນໄດ້ຮັບທຸງຫ້າຫ່ວງເຊິ່ງເປັນສັນຍາລັກຂອງງານກິລາໂອລິມປິກ, ຫຼັງຈາກນັ້ນຄະນະນັກສະແດງຈາກປັກກິ່ງໄດ້ສະແດງວັດທະນະທຳບູຮານແລະເຕັກນິກວິທະຍາສາດປະສົມປະສານກັນຕໍ່ທົ່ວໂລກໂດຍໃຊ້ເວລາໃນການສະແດງ 8 ນາທີ. ທ່ານສີຈິ້ນຜິງ ປະທານປະເທດຈີນໄດ້ກ່າວຄຳເຊີນ "ປີ 2022, ນັດກັນຢູ່ປັກກິ່ງ" ຕໍ່ທົ່ວໂລກໂດຍຜ່ານວີດີໂອ.
ໃນການແຂ່ງຂັນຄັ້ງນີ້, ນອກແວແລະເຢຍລະມັນເປັນອັນດັບທີ່ໜຶ່ງຂອງຕາຕະລາງຫຼຍນຄຳດ້ວຍຫຼຽນຄຳ 14 ຫຼຽນ, ຈີນໄດ້ 1 ຫຼຽນຄຳ, 6 ຫຼຽນເງິນແລະ 2 ຫຼຽນທອງ, ຢູ່ອັນດັບທີ 14 ໃຈຕາຕະລາງຫຼຽນ.
ງານກິລາໂອລິມປິກລະດູໜາວຄັ້ງຕໍ່ໄປຈະຈັດຂຶ້ນໃນປີ 2022 ຢູ່ນະຄອນຫຼວງປັກກິ່ງ, ເມືອງຈ່າງເຈ່ຍໂຂວແລະອື່ນໆຂອງຈີນ.
 |
