ເທດສະບານລັດຍະໄຂ່ປະເທດມຽນມາເກີດເຫດລະເບີດ

ທ່ານໂຈໄທ ໂຄສົກທຳນຽບປະທານາທິບໍດີມຽນມາຢືນຢັນຕໍ່ນັກຂ່າວໃນວັນທີ 24 ກຸມພານີ້ວ່າ, ຕອນຂ້ອນແຈ້ງມື້ດັ່ງກ່າວໄດ້ເກີດເຫດລະເບີດ 4 ຄັ້ງຢູ່ນະຄອນສິດເວ ເທດສະບານລັດຍະໄຂ່, ນອກນີ້ໄດ້ພົບເຫັນລູກລະເບີດ 3 ລູກທີ່ຍັງບໍ່ທັນແຕກ, ເຫດລະເບີດສົ່ງຜົນເຮັດໃຫ້ຕຳຫຼວດໜຶ່ງຄົນແລະທ່ານໝໍໜຶ່ງຄົນບາດເຈັບເລັກນ້ອຍ.

ທັງນີ້ຕອນເຊົ້າວັນທີ 24 ກຸມພານີ້, ເຈົ້າໜ້າທີ່ຕຳຫຼວດປ້ອງກັນຊາຍແດນລັດຍະໄຂ່ກ່າວວ່າ, ນະຄອນສິດເວໄດ້ເກີດເຫດລະເບີດ 4 ຄັ້ງໃນເວລາປະມານ 5 ໂມງເຊົ້າ, ເຊິ່ງບ່ອນເກີດເຫດຄືຢູ່ເຮືອນຂອງເຈົ້າໜ້າທີ່ຄົນໜຶ່ງ, ບ່ອນທີ່ຢູ່ໃກ້ສານ, ບ່ອນທີ່ຢູ່ໃກ້ໜ້າປະຕູຂອງຫ້ອງການວຽກງານການເງິນທ້ອງຖິ່ນແລະອີກບ່ອນໜຶ່ງຄືຖະໜົມຢູ່ແຄມແມ່ນ້ຳ. ນອກຈາກນັ້ນເຈົ້າໜ້າທີ່ຕຳຫຼວດຍັງໄດ້ພົບເຫັນລູກລະເບີດ 3 ລູກທີ່ບໍ່ທັນແຕກອີກດ້ວຍ.