ວັນທີ 26 ກຸມພານີ້ຢູ່ນະຄອນເຊີແນວ, ທ່ານອັນໂຕນິໂອ ກູເຕີເຣສ ເລຂາທິການໃຫຍ່ອົງການສະຫະປະຊາຊາດຮຽກຮ້ອງໃຫ້ບັນດາຝ່າຍທີ່ກ່ຽວຂ້ອງກັບການປະທະກັນຢູ່ຊີຣີປະຕິບັດຕາມມະຕິເລກທີ 2401 ຂອງສະພາຄວາມໝັ້ນຄົງອົງການສະຫະປະຊາຊາດຢ່າງແທ້ຈິງ ແລະອະນຸຍາດໃຫ້ເຈົ້າໜ້າທີ່ ແລະເຄື່ອງຂອງຊ່ວຍເຫຼືອດ້ານມະນຸດສະທຳເຂົ້າໄປເຂດຕ້ອງການຊ່ວຍເຫຼືອຢ່າງປອດໄພ.
ທ່ານກູເຕີເຣສກ່າວປາໄສໃນພິທີເປີດກອງປະຊຸມສະພາສິດທິມະນຸດອົງການສະຫະປະຊາຊາດເທື່ອທີ 37 ໃນມື້ດຽວກັນວ່າ: ຂ້າພະເຈົ້າຊົມເຊີຍຕໍ່ການຮັບຮອງເອົາມະຕິດັ່ງກ່າວຢ່າງເປັນເອກະພາບກັນ, ແຕ່ມະຕິດັ່ງກ່າວຕ້ອງໄດ້ຮັບການປະຕິບັດຕົວຈິງເທົ່ານັ້ນຈຶ່ງມີຄວາມໝາຍ, ໄພພິບັດທາງສິດທິມະນຸດແບບເໝືອນນະຮົກໃນໂລກມະນຸດພາຍໃນປະເທດຊີຣີຕ້ອງສິ້ນສຸດລົງໂດຍໄວ.
ແຕ່ມະຕິຢຸດຍິງດັ່ງກ່າວບໍ່ໄດ້ກວມເອົາການປາບປາມກຸ່ມIS, ອານ-ໄຄດາ ແລະກຸ່ມກໍ່ການຮ້າຍອື່ນໆທີ່ສະພາຄວາມໝັ້ນຄົງອົງການສະຫະປະຊາຊາດໄດ້ກຳນົດໄວ້.