ວັນທີ 27 ກຸມພານີ້, ທ່ານ ນາຈິບ ຕຸນ ຣາຊັກ ນາຍົກລັດຖະມົນຕີມາເລເຊຍ ກ່າວວ່າ, ວົງການອຸດສາຫະກຳການຄ້າຈີນ ແມ່ນຄູ່ຮ່ວມສຳຄັນຂອງປະເທດຕົນໃນການສ້າງເປັນປະເທດທີ່ມີລາຍໄດ້ສູງແລະມີສີມືສູງໃນອະນາຄົດ, ປະເທດຕົນສືບຕໍ່ຊົມເຊີຍຕໍ່ການລົງທຶນຈາກຈີນ ແລະການຮ່ວມມືກັບຈີນເຮັດໃຫ້ສອງຝ່າຍລ້ວນແຕ່ໄດ້ຮັບຜົນປະໂຫຍດ.
ທ່ານ ນາຈິບ ໄດ້ຍົກຕົວຢ່າງວ່າ, ໂຄງການເຫຼັກກ້າປະສົມທີ່ລົງທຶນໂດຍຈີນຢູ່ສູນອຸດສາຫະກຳກວນຕານມາເລເຊຍ-ຈີນ ໄດ້ສ້າງຕຳແໜ່ງວຽກງານ ຫຼາຍພັນຕຳແໜ່ງ ແລະໄດ້ຊຸກຍູ້ເສດຖະກິດຂອງທ້ອງຖິ່ນອີກດ້ວຍ. ທ່ານ ກ່າວຕື່ມວ່າ, ກຳມະກອນມາເລເຊຍໄດ້ຮຽນຮູ້ສີມື ແລະມີລາຍໄດ້ສູງກວ່າເກົ່າ, ທັງນີ້ບໍ່ພຽງແຕ່ມີຜົນດີຕໍ່ບໍລິສັດແລະຜູ້ລົງທຶນຂອງຈີນເທົ່ານັ້ນ, ຍັງມີຜົນດີຕໍ່ປະຊາຊົນມາເລເຊຍຢ່າງຫຼວງຫຼາຍ.
ທ່ານ ນາຈິບ ຍັງໄດ້ຕີລາຄາສູງຕໍ່ການສ້າງ "ໜຶ່ງແລວໜຶ່ງເສັ້ນທາງ", ໂດຍເຫັນວ່າ, ປະເທດຕົນຈະໄດ້ຮັບຜົນປະໂຫຍດຫຼາຍດ້ານຈາກການສ້າງຂໍ້ລິເລີ່ມດັ່ງກ່າວ. ທ່ານກ່າວວ່າ: "ຖ້າມາເລເຊຍບໍ່ຮັບເອົາໜຶ່ງແລວໜຶ່ງເສັ້ນທາງ, ກໍໝາຍຄວາມວ່າບໍ່ມີຄວາມຮັບຜິດຊອບຕໍ່ປະເທດ."