ຄະນະຜູ້ແທນກິລາຈີນທີ່ຈະເຂົ້າຮ່ວມງານມະຫາກຳກິລາໂອລິມປິກຄົນພິການລະດູໜາວພຽງຊາງ 2018 ໄດ້ຖະແຫຼງຂ່າວຢູ່ນະຄອນຫຼວງປັກກິ່ງໃນວັນທີ 28 ກຸມພາຜ່ານມາວ່າ: ນັກກິລາຈີນ 26 ຄົນຈະເຂົ້າຮ່ວມງານຄັ້ງນີ້ ຖືວ່າເປັນຄັ້ງທີ່ຈີນສົ່ງນັກກິລາເຂົ້າຮ່ວມການແຂ່ງຂັນໃນງານມະຫາກຳກິລາໂອລິມປິກຄົນພິການລະດູໜາວຫຼາຍທີ່ສຸດໃນປະຫວັດສາດ.
ຂ່າວແຈ້ງວ່າ: ງານມະຫາກຳກິລາໂອລິມປິກຄົນພິການລະດູໜາວຄັ້ງທີ 12 ຈະຈັດຂຶ້ນຢູ່ເມືອງພຽງຊາງ ສ. ເກົາຫຼີແຕ່ວັນທີ 9 ຫາວັນທີ 18 ມີນານີ້ໂດຍຈະແບ່ງເປັນສອງຂະແໜງກິລາແຂ່ງຂັນຄື ຄົນພິການທາງສາຍຕາ ແລະຄົນພິການເສຍອົງຄະ ເຊິ່ງລວມທັງໝົດມີ 6 ປະເພດ ແລະ 80 ລາຍການເປັນຕົ້ນ ສະກີພູສູງ ຫຼືalpine skiing, (Snowboarding),ສະກີມະພາກສະໜາມຫຼືcross-country skiing, Biathlon, ຮອກກີນ້ຳກ້ອນລໍ້ຍູ້,ເຄີລີງ (Curling)ແລະອື່ນໆ.