ວັນທີ 1 ມີນານີ້ລັດຖະສະພາອີຣັກໄດ້ຮຽກຮ້ອງໃຫ້ລັດຖະບານກຳນົດເວລາກ່ຽວກັບກອງທະຫານຕ່າງປະເທດຖອນຕົວອອກຈາກປະເທດຕົນໃຫ້ໝົດ.
ຕາມສັນຍາລະຫວ່າງອາເມລິກາກັບອີຣັກທີ່ລົງນາມໃນປີ 2008, ທະຫານອາເມລິກາທີ່ປະຈຳຢູ່ອີຣັກຕ້ອງຖອນຕົວອອກຈາກອີຣັກກ່ອນທ້າຍປີ 2011ແລະອະນຸຍາດໃຫ້ທະຫານອາເມລິກາພຽງຈຳນວນໜ້ອຍເທົ່ານັ້ນເພື່ອປະຕິບັດໜ້າທີ່ຢູ່ສະຖານທູດອາເມລິກາປະຈຳອີຣັກ. ປີ 2014, ກຸ່ມຫົວຮຸນແຮງ IS ໄດ້ຄວບຄຸມພາກຕາເວັນຕົກແລະເຂດສ່ວນໃຫຍ່ຂອງພາກເໜືອອີຣັກ, ອາເມລິກາຈິ່ງເພີ່ມທະຫານໄປປະຈຳຢູ່ອີຣັກ.
ວັນທີ 9 ທັນວາປີຜ່ານມາ, ທ່ານໄຮເດີ ອັນ ອາບາດີ ນາຍົກລັດຖະມົນຕີອີຣັກປະກາດວ່າ ກອງທັບອີຣັກສາມາດຍຶດເອົາດິນແດນທີ່ຖືກກຸ່ມISຍຶດຄອງນັ້ນຄືນໄດ້ໝົດແລ້ວ ຖືວ່າອີຣັກໄດ້ຮັບໄຊຊະນະຄັ້ງປະຫວັດການໃນການປາບປາມກຸ່ມIS.
ຕົ້ນເດືອນກຸມພາຜ່ານມາ, ອີຣັກຢືນຢັນວ່າ ປະເທດຕົນໄດ້ເຊັນສັນຍາກັບອາເມລິກາແລ້ວທີ່ຈະຕັດຮອນຈຳນວນທະຫານອາເມລິກາປະຈຳອີຣັກໃຫ້ໜ້ອຍລົງເທື່ອລະກ້າວ.