ຕອນຄ່ຳວັນທີ 1 ມີນານີ້ຢູ່ເມືອງຣາມາລາເຊິ່ງຕັ້ງຢູ່ຝັ່ງຕາເວັນຕົກແມ່ນ້ຳຈໍແດນ, ທ່ານອາບບັສ ປະທານາທິບໍດີປາແລັສຕິນໄດ້ຮຽກຮ້ອງໃຫ້ປະຊາຄົມໂລກໃຫ້ຄວາມສົນໃຈແລະຊຸກຍູ້ຂະບວນການສັນຕິພາບປາແລັສຕິນກັບອິສຣາແອນທີ່ແກ່ຍາວມາເປັນເວລາດົນນານແລ້ວ.
ໃນພິທີເປີດກອງປະຊຸມອົງການປົດປ່ອງແຫ່ງຊາດປາແລັສຕິນຫຼືຟາຕາທີ່ຈັດຂຶ້ນໃນວັນທີ 1 ມີນານີ້, ທ່ານອາບບັສ ກ່າວເນັ້ນວ່າປະຊາຄົມໂລກຄວນອີງຕາມມະຕິສາກົນທີ່ກ່ຽວຂ້ອງກັບບັນຫາປາແລັສຕິນແລະອິສຣາແອນຈັດກອງປະຊຸມຫຼາຍຝ່າຍບົນພື້ນຖານ "ແຜນການສ້າງເປັນສອງປະເທດ", ເພື່ອສ້າງໂອກາດໃໝ່ໃຫ້ແກ່ການແກ້ໄຂບັນຫາປາແລັສຕິນກັບອິສຣາແອນ.
ທ່ານອາບບັສ ກ່າວຕື່ມວ່າ, ປາແລັສຕິນໄດ້ປະຕິບັດຕາມຄຳໝັ້ນສັນຍາສັນຕິພາບ, ແລະກໍຫວັງວ່າປະຊາຄົມໂລກຈະສາມາດທຳຄວາມພະຍາຍາມໃໝ່ເພື່ອເປີດຂະບວນການສັນຕິພາບລະຫວ່າງປາແລັສຕິນກັບອິສຣາແອນຄືນໃໝ່, ແຕ່ວ່າປະເທດຕົນຂໍປະຕິເສດຢ່າງເດັດດ່ຽວຕໍ່ແຜນການສາກົນທຸກຮູບແບບທີ່ທຳລາຍຜົນປະໂຫຍດຂອງປະຊາຊົນປາແລັສຕິນ.