ກອງປະຊຸມຄັ້ງທຳອິດຂອງສະພາປະຊາຊົນແຫ່ງຊາດຈີນຊຸດທີ 13 ຈະຈັດກອງປະຊຸມກະກຽມ ໃນຕອນເຊົ້າວັນທີ 4 ມີນານີ້, ເພື່ອເລືອກຄະນະປະທານແລະເລຂາທິການຂອງກອງປະຊຸມ ທັງລົງຄະແນນສຽງຕໍ່ຮ່າງວາລະປະຊຸມ. ຈາກນັ້ນ, ຄະນະປະທານຂອງກອງປະຊຸມກໍຈະຈັດກອງປະຊຸມຄັ້ງທຳອິດ. ເວລາ 11 ໂມງຂອງວັນດຽວກັນ, ກອງປະຊຸມຄັ້ງທຳອິດຂອງສະພາປະຊາຊົນແຫ່ງຊາດຈີນຊຸດທີ 13 ຈະຈັດພິທີຖະແຫຼງຂ່າວໂດຍໂຄສົກຂອງກອງປະຊຸມຈະຕອບຄຳຖາມຂອງນັກຂ່າວຈີນແລະຕ່າງປະເທດກ່ຽວກັບວາລະປະຊຸມແລະບັນຫາທີ່ກ່ຽວຂ້ອງຂອງວຽກງານສະພາປະຊາຊົນ.
ຂ່າວລາຍງານຕື່ມວ່າ, ໃນມື້ດຽວກັນ, ກອງປະຊຸມຄັ້ງທຳອິດຂອງສະພາປຶກສາການເມືອງປະຊາຊົນແຫ່ງຊາດຈີນຊຸດທີ 13 ຈະແບ່ງໜ່ວຍປຶກສາຫາລືຕະຫຼອດມື້, ເພື່ອພິຈາລະນາບົດລາຍງານວຽກງານຂອງຄະນະປະຈຳສະພາປຶກສາການເມືອງປະຊາຊົນແຫ່ງຊາດແລະບົດລາຍງານສະພາບວຽກງານຍັດຕິ.