ຕາມຂ່າວ CRI: ວັນທີ 2 ມີນານີ້ຕາມເວລາທ້ອງຖິ່ນ, ງານສາຍຮູບເງົາຈີນຢູ່ເຢຍລະມັນຄັ້ງທີ 3 ໄດ້ຈັດຂຶ້ນຢູ່ເມືອງແຟຮງຄຟຸກທາງພາກກາງເຢຍລະມັນໂດຍໃນໄລຍະ 5 ວັນ, ຈະສາຍຮູບເງົາຈີນດີເດັ່ນ 11 ເລື່ອງໃນປີ 2017 ຢູ່ເມືອງແຟຮງຄຟຸກແລະເມືອງດູເຊວດອຟຂອງເຢຍລະມັນ.
ໃນພິທີເປີດງານດັ່ງກ່າວ, ທ່ານຫວາງຊຸນຊິງ ຫົວໜ້າສະຖານກົງສຸນໃຫຍ່ຈີນປະຈຳແຟຮງຄຟຸກ ກ່າວວ່າ, ດີໃຈຫຼາຍທີ່ໄດ້ເຫັນງານສາຍຮູບເງົາຈີນສອງຄັ້ງຜ່ານມາໄດ້ຮັບຄວາມນິຍົມຊົມຊອບຈາກປະຊາຊົນທ້ອງຖິ່ນ, ເຊິ່ງເຮັດໃຫ້ປະຊາຊົນເຢຍລະມັນຮັບຮູ້ແລະເຂົ້າໃຈຈີນຫຼາຍຍິ່ງຂຶ້ນ.
ງານສາຍຮູບເງົາຈີນຂອງເຢຍລະມັນໄດ້ຕັ້ງລາງວັນ 5 ປະເພດຄື: ຮູບເງົາເລື່ອງດີເດັ່ນ, ຜູ້ກຳກັບຮູບເງົາດີເດັ່ນ, ຜູ້ຮຽບຮຽງບົດລະຄອນດີເດັ່ນ, ພະເອກດີເດັ່ນແລະນາງເອກດີເດັ່ນ, ຈະປະກວດໂດຍຄະນະກຳມະການປະກວດທີ່ປະກອບດ້ວຍນັກວິຊາການຈີນແລະເຢຍລະມັນ, ແລະຜົນການປະກວດກຈະເປີດເຜີຍໃນພິທີປິດງານກໍຄືພິທີມອບລາງວັນທີ່ຈະຈັດຂຶ້ນຢູ່ເມືອງດູເຊວດອບໃນວັນທີ 6 ມີນານີ້.