ຈີນ​ສະ​ໜອງ​ອຸ​ປະ​ກອບ​ຊ່ວຍ​ເຫຼືອ​ໃຫ້​ແກ່​ກະ​ຊວງ​ແມ່​ຍິງ​ແລະ​ອົງ​ການ​ແມ່​ຍິງ​ກຳ​ປູ​ເຈຍ
2018-03-03 17:21:54  cri 
ຕາມ​ຂ່າວ CRI: ພິ​ທີ​ມອບ​ຮັບ​ອຸ​ປະ​ກອບຊ່ວຍ​ເຫຼືອ​ທີ່​ຈີນ​​ສົ່ງ​ໃຫ້​ແກ່​ກະ​ຊວງວຽກ​ງານ​ແມ່​ຍິງ​ແລະ​ສະ​ມາ​ຄົມ​ສັນ​ຕິ​ພາບ​ແລະ​ການ​ພັດ​ທະ​ນາ​ແມ່​ຍິງ​ຂອງ​ກຳ​ປູ​ເຈຍ​ໄດ້​ຈັດ​ຂຶ້ນ​ຢູ່​ກະ​ຊວງ​​ວຽກ​ງານແມ່​ຍິງ​ກຳ​ປູ​ເຈຍ​ໃນ​ວັນ​ທີ 2 ມີ​ນາ​ນີ້. ​ໂດຍທ່ານ​ສົງ​ປໍ່ ເອກ​ອັກ​ຄະ​ລັດ​ຖະ​ທູດ​ຈີນ​ປະ​ຈຳ​ກຳ​ປູ​ເຈຍ, ທ່ານ​ນາງ​ອິງ ກັນ​ທະ​ພະ​ວີ ລັດ​ຖະ​ມົ​ນ​ຕີ​ກະ​ຊວງ​ວຽກ​ງານ​ແມ່​ຍິງ​ກຳ​ປູ​ເຈຍ, ທ່ານ​ນາງ​ເມ​ສ໌​ໂຊ​ເທ​ຣີ ເລ​ຂາ​ທິ​ການ​ໃຫຍ່​ສະ​ມາ​ຄົມ​ສັນ​ຕິ​ພາບ​ແລະ​ການ​ພັດ​ທະ​ນາ​ແມ່​ຍິງ​ກຳ​ປູ​ເຈຍ​ເຂົ້າ​ຮ່ວມ.

ທ່ານ​ສົງ​ປໍ່ ກ່າວ​ວ່າ, ພາຍ​ໃຕ້​ການ​ນຳ​ພາ​ຂອງ​ລັດ​ຖະ​ບານ​ກຳ​ປູ​ເຈຍ​ທີ່​ທ່ານ​ຮຸນ​ແຊນ ນາ​ຍົກ​ລັດ​ຖະ​ມົນ​ຕີເປັນ​ຜູ້​ນຳ​ສູງ​ສຸດ, ພາ​ລະ​ກິດ​ແມ່​ຍິງ​ຂອງ​ກຳ​ປູ​ເຈຍ​ໄດ້​ຮັບ​ການ​ພັດ​ທະ​ນາ​ກ້າວ​ໜ້າ​ຢ່າງ​ບໍ່​ຢຸດ​ຢັ້ງ, ຖາ​ນະ​ທາງ​ດ້ານ​ການ​ເມືອງ, ເສດ​ຖະ​ກິດ​ແລະ​ສັງ​ຄົມ​​ກໍ​ສູງ​ຂຶ້ນ​ຢ່າງ​ບໍ່​ຢຸດ​ຢັ້ງ, ໄດ້​ເສີມ​ຂະ​ຫຍາຍ​ບົດ​ບາດ​ນັບ​ມື້​ນັບ​ສຳ​ຄັນ​​ຕໍ່​ການ​ພັດ​ທະ​ນາ​ປະ​ເທດ​​ແລະ​ຄວາມ​ກ້າວ​ໜ້າ​ຂອງ​ສັງ​ຄົມ. ການ​ແລກ​ປ່ຽນ​ແລະ​ຮ່ວມ​ມື​ດ້ວຍ​ໄມ​ຕີ​ຈິດມິດ​ຕະ​ພາບ​ດ້ານ​ວຽກ​ງານ​ແມ່​ຍິງ​ແມ່ນ​ຂົງ​ເຂດ​ສຳ​ຄັນ​ຂອງ​ສາຍ​ພົວ​ພັນ​ລະ​ຫວ່າງ​ຈີນ-ກຳ​ປູ​ເຈ​ຍແລະ​ໄດ້​ຮັບ​ຄວາມ​ຄືບ​ໜ້າ​ໃໝ່​ຢ່າງ​ບໍ່​ຢຸດ​ຢັ້ງ​ໃນ​ຫຼາຍ​ປີ​ຜ່ານ​ມາ, ໄດ້​ເສີມ​ຂະ​ຫຍາຍ​ບົດ​ບາດ​ສຳ​ຄັນ​​ໃນ​ການ​ເສີມ​ຂະ​ຫຍາຍ​ສາຍ​ພົວ​ພັນ​ຄູ່​ຮ່ວມ​ມື​ຍຸດ​ທະ​ສາດ​ຮອບ​ດ້ານ​ລະ​ຫວ່າງ​ສອງ​ປະ​ເທດ​.

ທ່ານ​ນາງ​ອິງ ກັນ​ທະ​ພະ​ວີ ແລະ ທ່ານ​ນາງ​ເມ​ສ໌​ໂຊ​ເທ​ຣີ ໄດ້​ຕີ​ລາ​ຄາ​ສູງ​ແລະ​ຂອບ​ໃຈ​ຢ່າງ​ຈິງ​ໃຈ​ຕໍ່​​ລັດ​ຖະ​ບານ​ຈີນ​ທີ່ຊ່ວຍ​ເຫຼືອ​​ພາ​ລະ​ກິດ​ແມ່​ຍິງ​ຂອງ​ປະ​ເທດ​ຕົນດ້ວຍ​ຄວາມ​ຈິງ​ໃຈ, ແລະກ່າວ​ວ່າ​ການ​ສະ​ໜັບ​ສະ​ໜູນ​ດ້ານ​ອຸ​ປະ​ກອນ​ແລະ​ການ​ອົບ​ຮົບ​ຊັບ​ພະ​ຍາ​ກອນ​ມະ​ນຸດ​ຈາກ​ຈີນ​​ທີ່​ມີ​ຕໍ່​ພາກ​ສ່ວນ​ແມ່​ຍິງ​ກຳ​ປູ​ເຈຍ​ໃນ​ໄລ​ຍະ​ດົນ​ນານມາ​ນີ້, ໄດ້​ຊຸກ​ຍູ້​ການ​​ສ້າງ​ຄວາມ​ສາ​ມາດ​ຂອງ​ແມ່​ຍິງ​ແລະ​ວຽກ​ງານ​ແມ່​ຍິງ​ກຳ​ປູ​ເຈຍ​ໃຫ້ໄດ້​ຮັບ​ຄວາມ​ກ້າວ​ໜ້າ​. ກຳ​ປູ​ເຈຍ​ຈະ​​ທະ​ນຸ​ຖະ​ໜອມ​ແລະນຳ​ໃຊ້​ອຸ​ປະ​ກອນ​ຊ່ວຍ​ເຫຼືອ​ທີ່​ກ່ຽວ​ຂ້ອງ​ໃຫ້​ດີ, ຊ່ວຍ​ເຫຼືອ​ແມ່​ຍິງ​ປະ���ເທດ​ຕົນ​ຍົກ​ສູງ​ຄວາມ​ສາ​ມາດ, ​ສ້າງ​ໂອ​ກາດ​ຫາ​ວຽກ​ເຮັດ​ງານທຳ, ປັບ​ປຸງ​ຊີ​ວິດ​ການ​ເປັນ​ຢູ່​ໃຫ້​ດີ​ຂຶ້ນ​ແລະ​ສ້າງ​ຄວາມ​ຜາ​ສຸກ​ໃຫ້​ແກ່​ປະ​ຊາ​ຊົນ​ຢ່າງ​ແທ້​ຈິງ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ