ລັດ​ຖະ​ມົນ​ຕີ​ສຳ​ນັກ​ນາ​ຍົກ​ລັດ​ຖະ​ມົນ​ຕີ​ມາ​ເລ​ເຊຍ​ກ່າວ​ວ່າ, ຄອງ​ຄອຍ​ຈີນ​ວາງ​ນະ​ໂຍ​ບາຍ​ທີ່​ຊຸກ​ຍູ້​ການ​ພັດ​ທະ​ນາ​ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍດ​ຂອງ​ປະ​ເທດ​ໃກ້​ຄຽງ ​ໃຫ້ຫຼາຍ​ຂຶ້ນ​ຕື່ມ​ອີກ
2018-03-04 16:43:29  cri 
ໃນ​ໂອ​ກາດຈີນ​ຈັດກອງ​ປະ​ຊຸມ​ສອງ​ສະ​ພາ​, ດ​ຣ. ວີ​ຄາ​ຊົງ ລັດ​ຖະ​ມົນ​ຕີ​ສຳ​ນັກ​ນາ​ຍົກ​ມາ​ເລ​ເຊຍ​ໄດ້​ໃຫ້​ສຳ​ພາດ​ຕໍ່​ນັກ​ຂ່າວ​ຂ່າວ​ສານ​ຊິ່ນ​ຮ​ວາ, ໂດຍ​ກ່າວ​ວ່າ, ທ່ານ​ຄອງ​ຄອຍ ຈີນ​ວາງ​ມາດ​ຕະ​ການ​ແລະ​ນະ​ໂຍ​ບາຍ​ທີ່​ຊຸກ​ຍູ້​ການ​ພັດ​ທະ​ນາ​ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍດ​ຂອງ​ປະ​ເທດ​ໃກ້​ຄຽງ ​ໃຫ້ຫຼາຍ​ຂຶ້ນ​ຕື່ມ​ອີກ​ເພື່ອສ້າງ​ຄວາມສຸກ​ໃຫ້ແກ່​ປະ​ຊາ​ຊົນ​ຈີນ, ນຳ​ເອົາ​ຜົນ​ປະ​ໂຫຍດ​ໃຫ້​ປະ​ເທດ​ອ້ອມ​ຂ້າງ.

ດ​ຣ. ວີ​ຄາ​ຊົງ​ກ່າວ​ວ່າ, ກ່ຽວ​ກັບ​ກອງ​ປະ​ຊຸມ​ສອງ​ສະ​ພາ, ທ່ານ​ສົນ​ໃຈ​ເນື້ອ​ໃນ​ກ່ຽວ​ກັບ​ການ​ຕ່າງ​ປະ​ເທດ​ແລະ​ເສດ​ຖະ​ກິດ​ການ​ຄ້າ​ຫຼາຍ, ຫວັງ​ວ່າ, ຈີນ​ຈະ​ເປີດກວ້າງ​ການ​ຮ່ວມ​ມື​ທີ່​ຕ່າງ​ຝ່າຍ​ຕ່າງ​ໄດ້​ຮັບ​ຜົນ​ປະ​ໂຫຍດ​ກັບ​ປະ​ເທດ​ອ້ອມ​ຂ້າງ. ​ທ່ານ​ຍັງກ່າວ​​ອີກວ່າ, ປະ​ເທດ​ອາ​ຊຽນ ​ແລະ​ປະ​ເທດ​ອ້ອມ​ຂ້າງ​ອື່ນໆ​​ຈະ​ໄດ້​ຮັບ​ຜົນ​ປະ​ໂຫຍດ​ຈາກ​ການ​ພັດ​ທະ​ນາ​ຂອງ​ຈີນ.
ດ​ຣ. ວີ​ຄາ​ຊົງ ຍ້ອງ​ຍໍ​ນະ​ໂຍ​ບາຍ​ການ​ຕ່າງ​ປະ​ເທດ​ ແລະ​ນະ​ໂຍ​ບາຍເສດ​ຖະ​ກິດ​ຂອງ​ຈີນ​ທີ່​ປະ​ຕິ​ບັດ​ໃນ​ປີ​ມໍ່ໆ​ມາ​ນີ້, ຈີນ​ໄດ້​ສະ​ເໜີທັດ​ສະ​ນະ​ຄະ​ຕິ "ເຈ​ລະ​ຈາ​ກັນ ບໍ່​ເປັນ​ປໍ​ລະ​ປັກ​ກັນ, ສ້າງ​ການ​ພົວ​ພັນ​ຖາ​ນະ​ມິດ​ກັນ​ແຕ່​ບໍ່​ສ້າງ​​ພັນ​ທະ​ມິດ", ເພື່ອ​ສະ​ແຫວງ​ຫາ​ສະ​ພາບ​ທີ່​​ຕ່າງ​ຝ່າຍ​ຕ່າງ​ມີຜົນ​ປະ​ໂຫຍດ​ຮ່ວມ​ກັນ. ທ່ານ​ກ່າວ​ວ່າ, ຈີນ​ໄດ້​ສະ​ເໜີຂໍ້​ລິ​ເລີ່ມ​ ໜຶ່ງ​​ແລວ​ທາງ​ໜຶ່ງ​ເສັ້ນ​ທາງ, ບໍ່​ພຽງ​ແຕ່​ເພື່ອ​ຄວາມ​ຈະ​ເລີນ​ຮຸ່ງ​ເຮືອງ​ຂອງ​ຕົນ, ກໍ່​ແມ່ນ​ເພື່ອ​ຄວາມ​ຈະ​ເລີນ​ຮຸ່ງ​ເຮືອງ​ຮ່ວມ​ກັນ​ຂອງ​ເຂດ​ອ້ອມ​ຂ້າງ​ແລະ​ປະ​ເທດ​ທີ່​ເຂົ້າ​ຮ່ວມ​ຂໍ້​ລິ​ເລີ່ມ, ສະ​ນັ້ນ, ​ເມື່ອຂໍ້​ລິ​ເລີ່ມ​ດັ່ງ​ກ່າວ​ສະ​ເໜີ​ອອກ​ມາ​ແລ້ວ ຈຶ່ງ​ຮັບ​ຄວາມ​ເຫັນ​ດີ​ແລະ​ການ​ສະ​ໜັບ​ສະ​ໜູນ​ຈາກ​ຫຼາຍ​ປະ​ເທດ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ