ບຸນ​ວັດ​ທະ​ນະ​ທຳ​ດັ້ງ​ເດີມ​ຈີນ​ຟິ​ລິ​ບ​ປິນ​ເຮັດ​ໃຫ້​ປະ​ຊາ​ຊົນ​ຟິ​ລິບ​ປິນ​ເຂົ້າ​ໃຈ​ວັດ​ທະ​ນະ​ທຳ​ຂອງ​ຈີນ​ຫຼາຍກວ່າ​ເກົ່າ
2018-03-04 16:50:14  cri 
ຕອນ​ບ່າຍ​ວັນ​ທີ 3 ມີ​ນາ​ນີ້, ບຸນ​ວັດ​ທະ​ນະ​ທຳ​ດັ້ງ​ເດີມ​ຈີນ​ຟິ​ລິ​ບິນ​ຄັ້ງ​ທີ 18 ຈັດ​ຂຶ້ນ​ຢູ່​ສວນ​ຈີນ​ຂອງ​ສວນ​ສາ​ທາ​ລະ​ນະ​ມາ​ນີ​ລາ​​ລີ​ຢູ່ນະ​ຄອນ​ຫຼວງ​ມະ​ນິ​ລາ​ຂອງ​ຟິ​ລິບ​ປິນ, ກິດ​ຈະ​ກຳ​​ທີ່ອຸ​ດົມ​ສົມ​ບູນ​ ໄດ້​ດຶງ​ດູດ​ປະ​ຊາ​ຊົນ​ມະ​​​ນິ​ລາ​ພັນ​ກວ່າ​ຄົນ​ເຂົ້າ​ຮ່ວມ, ເພື່ອ​ສຳ​ຜັດ​ກັບ​ສະ​ເໜ່​ຂອງວັດ​ທະ​ນະ​ທຳ​ດັ້ງ​ເດີມ​ຂອງ​ຈີນ.

ລາຍ​ການ​ສະ​ແດງ​ຂອງບຸນ​ວັດ​ທະ​ນະ​ທຳ​ດັ້ງ​ເດີມ​ຈີນ​ຟິ​ລິບ​ປິນ​ປີ​ນີ້​ລວມ​​ມີ​ການ​ເຊີດ​ສິງ​ໂຕ, ການ​ຮ້ອງ​ເພງ​ແລະ​ຟ້ອນ​ແບບ​ພື້ນ​ເມືອງ​ຂອງ​ສອງ​ປະ​ເທດ​ແລະ​ອື່ນໆ. ໃນ​ພິ​ທີ​ເປີດ​ງານ, ຍັງ​ມີ​ລາຍ​ການ​ທີ່​ສະ​ແດງ​ໃຫ້​ເຫັນ​ວັດ​ທະ​ນະ​ທຳ​ດັ້ງ​ເດີມ​ຂອງ​ຈີນ ເຊັ່ນ: ການທ​ວາຍ​ປິດສະຫນາ, ການ​ສ້າງ​ສິ​ລະ​ປະເຈ້ຍ​ຕັດ, ການຫຼິ້ນ​ໝາກ​ແຊ້ມ​ໂກະ, ການ​ຫຼິ້ນ​ພິນ​ຈີນ​ເປັນ​ຕົ້ນ, ລາຍ​ການ​ເຫຼົ່າ​ນີ້​ລ້ວນ​ແຕ່ຍິນ​ດີໃຫ້​ຜູ້​​ຮ່ວມ​ງານ​ຊາວຟິ​ລິບ​ປິນ​ເຂົ້າ​ມີ​ສ່ວນ​ຮ່ວມ​ນຳໄດ້, ເພື່ອ​ໃຫ້ພວກ​ເພິ່ນ​ໄດ້​ສຳ​ຜັດ​​ຕົວ​ຈິງກັບ​ວັດ​ທະ​ນະ​ທຳ​ດັ້ງ​ເດີມ​ຂອງຈີນ.ທ່ານເຊີ​ເຟຍ ອາ​ໂບ​ລາ​ດູ​ຣາ, ຜູ້​ແທນ​ພິ​ເສດ​ຂອງ​ເຈົ້າ​ຂອງ​ເມືອງ​​ມະ​ນິ​ລາ, ຫົວ​ໜ້າ​ກົມ​ວັດ​ທະ​ນະ​ທຳ​ນະ​ຄອນ​ມະ​ນິ​ລາ​ກ່າວ​ວ່າ, ບຸນ​ວັດ​ທະ​ນະ​ທຳ​ດັ້ງ​ເດີມ​ຈີນ​ຟິ​ລິບບິນ​ໄດ້​ກາຍ​ເປັນ​ປ່ອງ​ຢ້ຽມ​ສຳ​ຄັນ​ເພື່ອ​ໃຫ້​ປະ​ຊາ​ຊົນ​ຈີນ​ແລະ​ຟິ​ລິບ​ປິນ​ເຂົ້າ​ໃຈ​ເຊິ່ງ​ກັນ​ແລະ​ກັນ, ມີ​ຜົນ​ດີ​ຕໍ່​ການ​ພັດ​ທະ​ນາ​ການ​ພົວ​ພັນ​ແລະມິດ​ຕະ​ພາບ​ລະ​ຫວ່າງ​​ປະ​ຊາ​ຊົນ​ສອງ​ຊາດ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ