ຈີນມ​ອບ​ອຸ​ປະ​ກອນ​ຕ່າງໆ​ຊ່ອຍ​ເຫຼືອ​ສະ​ຫະ​ພັນ​ແມ່​ຍິງ​ລາວ​
2018-03-05 11:23:18  cri 

ຕອນ​ບ່າຍ​ວັນ​ທີ 2 ມີ​ນາ​ນີ້, ພິ​ທີ​ມອບ​ຮັບ​ເຄື່ອງ​ຊ່ວຍ​ເຫຼືອ​ຈ​າກ​ສະ​ຫະ​ພັນ​ແມ່​ຍິງ​ທົ່ວ​ປະ​ເທດ​ຈີນ​ໃຫ້​ສະ​ຫະ​ພັນ​ແມ່​ຍິງ​ລາວ​ໄດ້​ຈັດ​ຂຶ້ນ​ຢູ່​ສູນ​ອົບ​ຮົມ​ແມ່​ຍິງ​ຈີນລາວຢູ່ນ​ະ​ຄອນ​ຫຼວງ​ວຽງ​ຈັນ.

​ໂດຍ​ໄດ້​ຮັບການມອບ​ໝາຍ​ຂອງ​ສະ​ຫະ​ພັນ​ແມ່​ຍິງ​ແຫ່​ງ​ຊາດ​ຈີນ, ທ່ານ​ວາງ​ເວິນ​ທ່ຽນ ເອກ​ອັກ​ຄະ​ລັດ​ຖະ​ທູດ​ຈີນ​ປະ​ຈຳ​ລາວ​ໄດ້ມອບ​ອຸ​ປະ​ກອນ​ຕ່າງໆ​ໃຫ້​ທ່ານ​ນາງ​ອິນ​ລາ​ວັນ ແກ້ວ​ບຸນ​ພັນ ປະ​ທານ​ຄະ​ນະ​ບໍ​ລິ​ຫານ​ງານ​ສູນ​ກາງ​ສະ​ຫະ​ພັນ​ແມ່​ຍິງ​ລາວ. ທ່ານ​ວາງ​ເວິນ​ທ່ຽນ​ກ່າວ​ວ່າ, ອົງ​ການ​ຈັດ​ຕັ້ງ​ສະ​ຫະ​ພັນ​ແມ່​ຍິ​ງ​ສອງ​ປະ​ເທດ​ຈີນ​ລາວ​ຮັກ​ສາ​ການ​ຮ່ວມ​ມື​ອັນ​ດີ​ງາມ​ເປັນ​ເວ​ລາ​ຍາວ​ນານ, ຄະ​ນະ​ຜູ້​ແທນ​ທຸກ​​ຂັ້ນ​ໄດ້​ແລກ​ປ່ຽນຢ້ຽມ​ຢາມ​ກັນ​ເປັນ​ປະ​ຈຳ. ຫວັງ​​ວ່າ​ອຸ​ປະ​ກອນ​ຕ່າງໆ​ທີ່ມອບ​ເທື່ອ​ນີ້​​ຈະມີ​ຜົນ​ດີ​ຕໍ່​​ການ​ປັບ​ປຸງເງື່ອນ​ໄຂ​ເຮັດ​ວຽກ​ຂອງ​ອົງ​ການ​ຈັດ​ຕັ້ງ​ສະ​ຫ​ະ​ພັນ​ແມ່​ຍິງ​ລາວ​ທຸກ​ຂັ້ນ​ໃຫ້​ດີ​ຂຶ້ນ​ຕື່ມ​ອີກ, ​ແລະ​ເຊື່ອ​ວ່າ, ຄຽງ​ຄູ່​ກັບ​ການ​ພົວ​ພັນ​ຈີນ​ລາວ​ຂະ​ຫຍາຍ​ຕົວ​ຢ່າງ​ຕໍ່​ເນື່ອງ, ການ​ຮ່ວມ​ມື​ໄມ​ຕີ​ຈິດ​ມິດ​ຕະ​ພາບ​ລະ​ຫວ່າງ​ສະ​ຫະ​ພັນ​ແມ່​ຍິງ​ສອງ​ປະ​ເທດ​ຈະ​ລົງ​ເລິກ​ຂຶ້ນ​ຢ່າງ​ບໍ່​ຢຸດ​ຢັ້ງ.

​ໂອ​ກາດ​ນີ້, ທ່ານ​ນາງ​ອິນ​ລາ​ວັນ​ໄດ້​ສະ​ແດງ​ຄວາມ​ຂອບ​ໃຈ​ຢ່າງ​ຈິງ​ໃຈ​ຕໍ່​ການ​ຊ່ອຍ​ເຫຼືອ​ຢ່າງ​ເອື້ອ​ເຟື້ອ​ເພື່ອ​ແຜ່​ຂອງ​ສະ​ຫະ​ພັນ​ແມ່​ຍິງ​ທົ່ວ​ປະ​ເທດ​ຈີນ, ທ່ານກ່າວ​ວ່າ, ນີ້​​ແມ່ນ​ການສະ​ແດງ​ເຖິງ​ມິດ​ຕະ​ພາບ​ອັນ​ເລິກ​ເຊິ່ງ​ຂອງ​ປະ​ຊາ​ຊົນ​ຈີນ​ໂດຍ​ສະ​ເພາະ​ແມ່ນແມ່​ຍິງ​ຈີນ​ຕໍ່​ຝ່າຍ​ລາວ, ຝ່າຍ​ລາວ​ຈະ​ແຈກ​ຢາຍ​ວັດ​ຖຸ​ອຸ​ປະ​ກອນ​ເຫຼົ່າ​ນີ້​ໃຫ້​ແຫ່ງ​ຕ່າງໆ​ອີງ​ຕາມ​ຄວາມ​ຕ້ອງ​ການ​ຕົວ​ຈິງ, ແລະ​ນຳ​ໃຊ້​​ໃຫ້​ເກີດຜົນ​ປະ​ໂຫຍດ​ຢ່າງ​ສູງ, ສະ​ຫະ​ພັນ​ແມ່​ຍິງ​ລາວ​ຍິນ​ດີ​ສືບ​ຕໍ່​ປະ​ກອບ​ສ່ວນ​ເຂົ້າ​ໃນ​ການ​ເສີມ​ຂະ​ຫຍາຍ​ຕົວ​ການ​ພົວ​ພັນ​ລາວ​ຈີນ​ໃຫ້​ລົງ​ເລິກ​ຢ່າງ​ບໍ່​ຢຸດ​ຢັ້ງ.

ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ