ພັກ​ກຳ​ອຳນາດ​ກຳປູ​ເຈຍ​ໄດ້​ຮັບ​ໄຊ​ຊະນະ​​ແບບ​ຂາດ​ຂັ້ນໃນ​ການ​ເລືອກ​ຕັ້ງສະພາ​ສູງ
2018-03-05 10:55:42  cri 

ຜົນ​ການ​ເລືອກ​ຕັ້ງສະພາ​ສູງ​ກຳປູ​ເຈຍ ທີ່​ຄະນະ​ກຳມະການ​ເລືອກ​ຕັ້ງ​ແຫ່ງ​ຊາດ​ກຳປູ​ເຈຍ​ປະກາດ​ໃນ​ວັນ​ທີ 3 ມີນາ​ນີ້​ສະ​ແດງ​ໃຫ້​ເຫັນ​ວ່າ: ພັກ​ປະຊາຊົນ​ທີ່​ເປັນ​ພັກ​ກຳອຳນາດ​ໄດ້​ຮັບ​ໄຊຊະນະ​ແບບ​ຂາດ​ຂັ້ນ ​ໂດຍ​ສາມາດ​ຊີງ​ໄດ້ 58 ​ບ່ອນ​ນັ່ງ​ໃນ​ຈຳນວນ​ທັງ​ໝົດ 62 ບ່ອນ​ນັ່ງ.

ສະພາ​ສູງ​ກຳປູ​ເຈຍ​ແຕ່ລະ 6 ປີ​ຈັດການ​ເລືອກ​ຕັ້ງ​ເທື່ອ​ໜຶ່ງ, ຂະນະ​ທີ່​ພັກ​ປະຊາຊົນ, ພັກ​ຟຸນ​ຊິນ​ເປັກ, ພັກ​ຊາວ​ໜຸ່ມ​ກຳປູ​ເຈຍ ​ແລະ ພັກສາ​ມັກ​ຄີ​ຊົນ​ເຜົ່າ​ຂະ​ແມ​ໄດ້​ເຂົ້າ​ຮ່ວມ​ການ​​ເລືອກຕັ້ງສະພາ​ສູງ​ຊຸດ​ທີ 4 ທີ່​ໄດ້​ຈັດ​ຂຶ້ນ​ໃນ​ວັນ​ທີ 25 ກຸມພາ​ຜ່ານ​ມາ.

ສະພາ​ສູງ​ກຳປູ​ເຈຍ​ຊຸດ​ນີ້​​ມີທັງ​ໝົດ 62 ບ່ອນ​ນັ່ງ ​ໃນ​ນັ້ນລົງ​ຄະ​ແນນ​ສຽງ​ເລືອກ​ຕັ້ງ 58 ບ່ອນ​ນັ່ງ, ເຈົ້າຊີວິດ​ແຕ່ງຕັ້ງ 2 ບ່ອນ​ນັ່ງ​​ ​ແລະ ​ສະພາ​ແຫ່ງ​ຊາດ​ແຕ່ງຕັ້ງອີກ 2 ບ່ອນ​ນັ່ງ​.

ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ