ໄທ​ເປີດ​ການ​ຂຶ້ນ​ທະ​ບຽນ​ພັກ​ການ​ເມືອງ​ໃໝ່
2018-03-05 16:29:19  cri 
    ເລີ່ມ​ແຕ່​ວັນ​ທີ 2 ມີ​ນານີ້​ເປັນ​ຕົ້ນ​ໄປ, ຄະ​ນະ​ກຳ​ມະ​ການ​ເລືອກ​ຕັ້ງ​ສູນ​ກາງ​ໄທ ໄດ້​ເປີດ​ຮັບ​ເອົາ​ການ​ຂຶ້ນ​ທະ​ບ​ຽນ​ຂອງ​ພັກ​ການ​ເມືອງ​ໃໝ່ ເຊິ່ງ​ໄດ້​ຮັບ​ການ​ຕອບ​ຮັບ​ຢ່າງ​ອົບ​ອຸ່ນ​ຈາກ​ພັກ​ການ​ເມືອງ​ຕ່າງໆ. ຕາມ​ສະ​ຖິ​ຕິ, ໃນ​ມື້​ດັ່ງ​ກ່າວ ​ມີ 42 ພັກ​ໄປ​ຂຶ້ນ​ທະ​ບຽນ.

    ຫຼັງ​ຈາກ​ທະ​ຫານ​ໄທ​ກໍ່​ການ​ລັດ​ຖະ​ປະ​ຫານ​ໂຄ່ນ​ລົ້ມ​ລັດ​ຖະ​ບານ​ພັກ​ເພື່ອ​ໄທ​ທີ່​ນຳ​ໂດຍ​ທ່ານ​ນາງ ຍິ່ງ​ລັກ ຊິນ​ນະ​ວັດ ນາ​ຍົກ​ລັດ​ຖະ​ມົນ​ໄທ​ເມື່ອ​ປີ 2014 ແລ້ວ, ໄດ້​ສ້າງ​ຕັ້​ງ​ຄະ​ນະ​ຮັກ​ສາ​ຄວາມ​ສະ​ຫງົບ​ແຫ່ງ​ຊາດ ທັງ​ໄດ້​ເກືອດ​ຫ້າມ​ການ​ເຄື່ອນ​ໄຫວ​ຂອງ​ພັກ​ການ​ເມືອງ​ຈົນ​ຮອດ​ປັດ​ຈຸ​ບັນ. ການ​ທີ່​ເປີດ​ຮັບ​ການ​ຂຶ້ນ​ທະ​ບຽນ​ຂອງ​ພັກ​ການ​ເມືອງ​ເທື່ອນີ້ ຖື​ວ່າ​ແມ່ນ​ບາດ​ກ້າວ​ສຳ​ຄັນ​ທີ່​ປະ​ເທດ​ໄທ​ກັບ​ຄືນ​ສູ່​ການ​ເລືອກ​ຕັ້ງ​ໂດຍ​ປະ​ຊາ​ຊົນ​ພາຍ​ໃ​ຕ້​ການ​ຄຸ້ມ​ຄອງ​ຂອງ​ລັດ​ຖະ​ບານ​ທະ​ຫານ.

    ຕາມ​ການ​ກຳ​ນົດ, ການ​ເປີດ​​ຮັບການ​ຂຶ້ນ​ທະ​ບຽນ​ຂອງ​ພັກ​ການ​ເມືອງ​ເທື່ອນີ້​ຈະ​ສືບ​ເນື່ອງ​ໄປ​ຮອດ​ທ້າຍ​ເດືອນນີ້, ຫຼັງ​ຈາກນັ້ນ, ຄະ​ນະ​ກຳ​ມະ​ການ​ເລືອກ​ຕັ້ງ​ສູນ​ກາງ​ຈະ​ໃຊ້​ເວ​ລາ 30 ວັນ​ເພື່ອກວດ​ກາ​ແລະ​ຕົກ​ລົງ​ວ່າ ຈະ​ອະ​ນຸ​ມັດ​ໃຫ້​ສ້າງ​ຕັ້ງ​ພັກ​ການ​ເມືອງ​ດັ່ງ​ກ່າວຫຼື​ບໍ່. ອີງ​ຕາມ​ກົດ​ໝາຍ​ວ່າ​ດ້ວຍ​ພັກ​ການ​ເມືອງ​ທີ່​ມີ​ຜົນ​ສັກ​ສິດ​ໃນ​ປີ​ຜ່ານ​ມາ, ການ​ສ້າງ​ຕັ້ງ​ພັກ​ການ​ເມືອງ ຢ່າງ​ໜ້ອຍ​ຕ້ອງ​ມີ​ສະ​ມາ​ຊິກ 500 ຄົນ​ແລະ​ມີ​ທຶນ 1 ລ້ານ​ບາດ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ