ນາ​ຍົກ​ກຳ​ປູ​ເຈຍ​ຊົມ​ເຊີຍ​ວິ​ສາ​ຫະ​ກິດ​ຈີນ​ທີ່​ປະ​ກອບ​ສ່ວນ​ເພື່ອ​ການ​ພັດ​ທະ​ນາ​ເຂດ​ເສດ​ຖະ​ກິດ​ພິ​ເສດ​ທ່າ​ກຳ​ປັ່ນ​ສີ​ຫະ​ນຸ
2018-03-05 16:47:08  cri 
    ທ່ານ ຮຸນ​ແຊນ ນາ​ຍົກ​ລັດ​ຖະ​ມົນ​ຕີ​ກຳ​ປູ​ເຈຍ ໄດ້​ກ່າວ​ໃນ​ໂອ​ກາດ​ຢ້ຽມ​ຢາມ​ຖາມ​ຂ່າວ​ກຳ​ມະ​ກອນ​ແຂວງ​ສີ​ຫະ​ນຸ​ເມື່ອ​ວັນ​ທີ 4 ມີ​ນານີ້​ວ່າ, ວິ​ສາ​ຫະ​ກິດ​ຈີນ ໄດ້​ປະ​ກອບ​ສ່ວນ​ເພື່ອ​ການ​ພັດ​ທະ​ນາ​ເຂດ​ເສດ​ຖະ​ກິດ​ພິ​ເສດ​ທ່າ​ກຳ​ປັ່ນ​ສີ​ຫະ​ນຸ.

    ທ່ານ ຮຸນ​ແຊນ ກ່າວ​ວ່າ, ຈີນ​ແມ່ນ​ປະ​ເທດ​ທີ່​ພັດ​ທະ​ນາ​ຢ່າງວ່ອງ​ໄວ, ​ນັກ​ລົງ​ທຶນ​ຈາກ​ຈີນ​ໄດ້​ມາ​ລົງ​ທຶນ​ຢູ່​ກຳ​ປູ​ເຈຍ​ເພີ່ມ​ຂຶ້ນຫຼາຍກວ່າ​ເກົ່າ.

    ທ່ານ ຮຸນ​ແຊນ ກ່າວ​ຕື່ມ​ວ່າ, ເຂ​ດ​ດັ່ງ​ກ່າວ ໄດ້​ກາຍ​ເປັນ​ແລວ​ເສດ​ຖະ​ກິດ​ທີ່​ສຳ​ຄັນ​ຂອງ​ປະ​ເທດ​ຕົນ, ພາຍ​ໃຕ້​ການ​ສະ​ໜັບ​ສະ​ໜູນ​ຂອງ​ຈີນ​ແລະ​ປະ​ເທດ​ອື່ນໆ, ທ້ອງ​ຖິ່ນ​ດັ່ງ​ກ່າວ​ໄດ້​ສ້າງ​ທ່າ​ກຳ​ປັ່ນ​ນ້ຳ​ເລິກ​ເພື່ອ​ເຂົ້າ​ຮ່ວມ​ການ​ແຂ່ງ​ຂັນ​ຂອງ​ສາ​ກົນ.

    ມາ​ຮອດ​ທ້າຍ​ປີ​ຜ່ານ​ມາ, ເຂດ​ເສດ​ຖະ​ກິດ​ພິ​ເສດ​ທ່າ​ກຳ​ປັ່ນ​ສີ​ຫະ​ນຸ ໄດ້​ດຶງ​ດູດ​ວິ​ສາ​ຫະ​ກິດ 118 ແຫ່ງ​ເຊັ່ນ​ເສື້ອ​ຜ້າ​ອາ​ພອນ, ຫີບ​ແລະ​ກະ​ເປົ໋າ, ຜະ​ລິດ​ເກີບ, ເອ​ເລັກ​ໂຕ​ຣ​ນິກ ແລະ​ອື່ນໆ ໂດຍ​ໄດ້​ສະ​ໜອງ​ຕຳ​ແໜ່ງວຽກ​ງານ​ເກືອບ 2 ໝື່ນ​ຕຳ​ແໜ່ງ​ໃຫ້​ແກ່​ທ້ອງ​ຖິ່ນ​ດັ່ງ​ກ່າວ.

    ທ່ານ ຮຸນ​ແຊນ ຍັງ​ໄດ້​ຮຽກ​ຮ້ອງ​ໃຫ້​ວິ​ສາ​ຫະ​ກິດ​ແລະ​ກຳ​ມະ​ກອນ​ຢູ່​ປະ​ເທດ​ຕົນ ສ້າງ​ສະ​ພາບ​ແວດ​ລ້ອມ​ໃນ​ການ​ເຮັດ​ວຽກ​ທີ່​ກົມ​ກຽວ​ກັນ, ມີ​ນ້ຳ​ໃຈ​ທີ່​ເຂົ້າ​ໃຈ​ເຊິ່ງ​ກັນ​ແລະ​ກັນ​ແລະ​​ມີ​ຄວາມສາ​ມັກ​ຄີ​ກັນ ເພື່ອ​ພັດ​ທະ​ນາ​ເສດ​ຖະ​ກິດ​ຮ່ວມ​ກັນ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ