ທ່ານ ໂຈ່ວຈ້ຽນພິງ ສະມາຊິກສະພາປຶກສາການເມືອງປະຊາຊົນແຫ່ງຊາດຈີນ, ນາຍຊ່າງໃຫຍ່ໂຄງການການບິນອະວະກາດບັນທຸກຄົນຂອງຈີນ ໃຫ້ສຳພາດໃນວັນທີ 4 ມີນານີ້ວ່າ, ໜ່ວຍງານຄົ້ນຄວ້າວິທະຍາສາດ ກຳລັງຄົ້ນຄວ້າຍານອະວະກາດເບື້ອງຕົ້ນທີ່ຈະປະກອບເປັນສະຖານີອະວະກາດ ເຊິ່ງຈະປະກອບດ້ວຍຍານແກນກາງຍານໜຶ່ງແລະຍານທົດລອງສອງຍານ.
ທ່ານ ໂຈ່ວຈ້ຽນພິງ ກ່າວວ່າ, ຈີນມີແຜນຈະຍິງສົ່ງຍານອະວະກາດທີ່ເປັນພາກສ່ວນໃຈກາງເພື່ອການທົດລອງເຕັກນິກໃຈກາງຂອງສະຖານີອະວະກາດກ່ອນແລະຫຼັງປີ 2020. ຫຼັງຈາກນັ້ນ, ຈະຍິງສົ່ງສອງຍານທົດລອງເພື່ອເຊື່ອມຕໍ່ກັບຍານໃຈກາງ, ສາມຍານເຊື່ອມຕໍ່ກັນແລ້ວຈະເຂົ້າສູ່ໄລຍະການປະຕິບັດໜ້າທີ່.
ສະຖານີອະວະກາດສາກົນທີ່ຍັງຢູ່ໃນວົງໂຄຈອນພຽງສະຖານີດຽວ ຈະໝົດອາຍຸໃນປີ 2024, ເມື່ອຮອດເວລານັ້ນ, ຈີນຈະກາຍເປັນປະເທດທີ່ມີສະຖານີອະວະກາດຢູ່ໃນວົງໂຄຈອນພຽງໜຶ່ງດຽວ.