ອົງການພະລັງງານສາກົນຫຼື IEA ອອກບົດລາຍງານໃນວັນທີ 5 ມີນານີ້ສະແດງໃຫ້ເຫັນວ່າ, ໃນ 5 ປີຕໍ່ໜ້າ, ຄວາມຕ້ອງການດ້ານນ້ຳມັນເຊື້ອໄຟຂອງໂລກຈະເພີ່ມຂຶ້ນຢ່າງຫຼວງຫຼາຍ, ໃນນັ້ນຄວາມຕ້ອງການນ້ຳມັນເຊື້ອໄຟຂອງຈີນແລະອິນເດຍຈະກວມເຄິ່ງໜຶ່ງຂອງໂລກ.
ບົດລາຍງານລະບຸວ່າ, ປະມານການຜະລິດນ້ຳມັນເຊື້ອໄຟຂອງປະເທດບໍ່ແມ່ນສະມາຊິກອົງການໂອເປັກຈະເພີ່ມຂຶ້ນຢ່າງຫຼວງຫຼາຍໃນ 5 ປີຕໍ່ໜ້າ, ໃນນັ້ນປະລິມານການຜະລິດຂອງອາເມລິກາ, ເບຼຊິນ, ການາດາແລະນ໊ອກແວຈະເພີ່ມຂຶ້ນຫຼາຍກວ່າໝູ່. ໃນດ້ານລາຄານ້ຳມັນເຊື້ອໄຟ, ບົດລາຍງານເຫັນວ່າ, ລາຄານ້ຳມັນເຊື້ອໄຟສາກົນຈະບໍ່ມີການປ່ຽນແປງໃຫຍ່ໃນ 5 ປີຕໍ່ໜ້າ, ຄາດວ່າລາຄານ້ຳມັນເຊື້ອໄຟຈະຢູ່ໃນລະດັບ 60 ໂດລາສະຫະລັດຕໍ່ບາເຣວເທົ່ານັ້ນ.