ສູນບໍລິການຊັບພະຍາກອນມະນຸດນະຄອນຊຽງໄຮ້ເປີດເຜີຍໃນວັນທີ 5 ມີນານີ້ວ່າ, ນັບແຕ່ນະຄອນຊຽງໄຮ້ເລີ່ມປະຕິບັດລະບຽບການວິຊ້າຊັບພະຍາກອນມະນຸດສະບັບໃໝ່ເປັນຕົ້ນມາ, ມີຄົນຕ່າງປະເທດ 52 ຄົນໄດ້ຮັບ "ໜັງສືຢືນຢັນເປັນຊັບພະຍາກອນມະນຸດຕ່າງປະເທດລະດັບສູງ" ເຊິ່ງເປັນອັນດັບໜຶ່ງໃນທົ່ວປະເທດ.
ໃນຖານະເປັນໜຶ່ງໃນຕົວເມືອງທີ່ເປັນຈຸດທົດລອງປະຕິບັດລະບຽບການດັ່ງກ່າວ, ນະຄອນຊຽງໄຮ້ໄດ້ເລີ່ມປະຕິບັດລະບຽບການດັ່ງກ່າວແຕ່ວັນທີ 1 ມັງກອນີ້ປີນີ້ເປັນຕົ້ນໄປ, ຄົນຕ່າງປະເທດທີ່ມີ "ໜັງສືຢືນຢັນເປັນຊັບພະຍາກອນມະນຸດຕ່າງປະເທດລະດັບສູງ" ສາມາດໄດ້ວິຊ້າຊັບພະຍາກອນມະນຸດຕ່າງປະເທດຈາກສະຖານທູດ ຫຼື ສະຖານກົງສູນຈີນປະຈຳຕ່າງປະເທດ ທີ່ສາມາດເຂົ້າອອກເມືອງຈີນຫຼາຍເທື່ອໄດ້ ທີ່ມີອາຍຸການແຕ່ 5 ປີ ຫາ 10 ປີ ແລະແຕ່ລະເທື່ອສາມາດຢູ່ຈີນໄດ້ເຖິງ 180 ວັນ ຄືວິຊ້າປະເພດ R. ຄູ່ສົມລົດ ແລະ ລູກທີ່ຍັງບໍ່ເຕັມກະສຽນອາຍຸຂອງຄົນຕ່າງປະເທດທີ່ມີວິຊ້າປະເພດນີ້ຈະໄດ້ຮັບວິຊ້າປະເພດດຽວກັນເຊັ່ນກັນ.