ໂທລະພາບສູນກາງສປປເກົາຫຼີລາຍງານໃນວັນທີ 5 ມີນານີ້ວ່າ, ຄະນະທູດພິເສດທີ່ແຕ່ງຕັ້ງໂດຍທ່ານ ມູນແຈອິນ ປະທານາທິບໍດີສ.ເກົາຫຼີ ໄດ້ເດີນທາງໄປເຖິງນະຄອນຫຼວງພຽງຢາງ ເພື່ອຢ້ຽມຢາມສປປເກົາຫຼີ.
ສ.ເກົາຫຼີກ່າວວ່າ, ການຢ້ຽມຢາມຄັ້ງນີ້ເປັນການຕອບຮັບຕໍ່ການຢ້ຽມຢາມປະເທດຕົນຂອງທູດພິເສດທີ່ແຕ່ງຕັ້ງໂດຍທ່ານ ກິມເຈິງອຸນ ຜູ້ນຳສູງສຸດສປປເກົາຫຼີໃນໂອກາດຈັດງານກິລາໂອລິມປິກລະດູໜາວພຽງຊາງ.
ວັນທີ 9 ກຸມພາຜ່ານມາ, ທ່ານ ກິມຢົງນາມ ປະທານຄະນະປະຈຳສະພາປະຊາຊົນສູງສຸດສປປເກົາຫຼີ ໄດ້ນຳພາຄະນະຜູ້ແທນລະດັບສູງເດີນທາງເຖິງສ.ເກົາຫຼີດ້ວຍຍົນພິເສດ ເພື່ອເຂົ້າຮ່ວມພິທີໄຂງານກິລາໂອລິມປິກລະດູໜາວພຽງຊາງທີ່ຈັດຂຶ້ນໃນຕອນຄ່ຳມື້ດຽວກັນ. ມື້ຕໍ່ມາ, ທ່ານ ມູນແຈອິນ ປະທານາທິບໍດີສ.ເກົາຫຼີໄດ້ຕ້ອນຮັບການເຂົ້າພົບຂອງຄະນະຜູ້ແທນລະດັບສູງຂອງສປປເກົາຫຼີຢູ່ທຳນຽບຊົງວາເດ ທັງຮ່ວມກັນຮັບປະທານອາຫານທ່ຽງ. ທ່ານນາງ ກິມອີເຈິງ ທູດພິເສດຂອງທ່ານ ກິມເຈິງອຸນ ຜູ້ນຳສູງສຸດສປປເກົາຫຼີ ໄດ້ຝາກຈົດໝາຍຂອງທ່ານ ກິມເຈິງອຸນ ກ່ຽວກັບການປັບປຸງສາຍພົວພັນສອງປະເທດນັ້ນໃຫ້ທ່ານ ມູນແຈອິນ ແລະໄດ້ຝາກຄຳເຊີນຂອງທ່ານ ກິມເຈິງອຸນ ທີ່ເຊື້ອເຊີນທ່ານ ມູນແຈອິນ ຢ້ຽມຢາມສປປເກົາຫຼີ.