ວັນທີ 6 ມີນານີ້, ທ່ານເກີງສວງ ໂຄສົກກະຊວງການຕ່າງປະເທດຈີນກ່າວຢູ່ນະຄອນຫຼວງປັກກິ່ງວ່າ: ຈີນເລັ່ງທວງຢ່າງເຄັ່ງຂຶມ ເພື່ອໃຫ້ຍີ່ປຸ່ນກ້າຜະເຊີນປະຫວັດສາດ ແລະສະພາບຄວາມເປັນຈິງ, ໃນປັດຈຸບັນ ສຶກສາອົບຮົມຊາວໜຸ່ມໃຫ້ຮູ້ ແລະເຂົ້າໃຈປະຫວັດສາດທີ່ຖືກຕ້ອງ, ຫຼີກເວັ້ນສ້າງການກີດຂວາງໃໝ່ຕໍ່ສາຍພົວພັນຈີນ-ຍີ່ປຸ່ນ.
ຕາມຂ່າວແຈ້ງວ່າ: ເມື່ອບໍ່ດົນມານີ້, ກະຊວງສຶກສາທິການ, ວັດທະນະທຳກິລາ, ວິທະຍາສາດເຕັກໂນໂລຊີຍີ່ປຸ່ນໄດ້ປະກາດແຜນການດັດແປງຂໍ້ຄວາມສຳຄັນຂອງການສຶກສາໃນໂຮງຮຽນມັດທະຍົມປາຍ ເຊິ່ງໄດ້ຮຽກຮ້ອງໃຫ້ຕື່ມເນື້ອໃນໃສ່ວ່າ "ເກາະຕ້ຽວຢູເປັນຜືນແຜ່ນດິນຍີ່ປຸ່ນແຕ່ໃດໆມາ", ແລະ "ບໍ່ເຄີຍມີຂໍ້ຂັດແຍ່ງໃດໆ" ແລະອື່ນໆ. ດັ່ງນັ້ນ, ທ່ານເກີງສວງກ່າວວ່າ: ຈີນໄດ້ຕໍ່ວ່າທັກທ້ວງຍີ່ປຸ່ນຕໍ່ບັນຫາດັ່ງກ່າວຢ່າງເຄັ່ງຂຶມ.