ວັນທີ 6 ມີນານີ້, ທ່ານເກິ໋ງສວງ ໂຄສົກກະຊວງການຕ່າງປະເທດຈີນໄດ້ຕອບຄຳຖາມຂອງນັກຂ່າວ ກ່ຽວກັບກຳປັ່ນບັນທຸກເຮືອບິນອາເມລິກາຢ້ຽມຢາມຫວຽດນາມເມື່ອມໍ່ໆມານີ້, ທ່ານກ່າວວ່າ, ຈີນຫວັງໃຫ້ການຮ່ວມມືທີ່ກ່ຽວຂ້ອງສາມາດສ້າງຜົນດີໃຫ້ແກ່ສັນຕິພາບ, ສະເຖຍລະພາບ ແລະ ຄວາມຈະເລີນຮຸ່ງເຮືອງຂອງພາກພື້ນ.
ຕາມຂ່າວແຈ້ງວ່າ, ກຳປັ່ນບັນທຸກເຮືອບິນອາເມລິກາເລີ່ມຢ້ຽມຢາມຫວຽດນາມແຕ່ວັນທີ 5 ມີນານີ້ ເຊິ່ງແມ່ນກຳປັ່ນບັນທຸກເຮືອບິນອາເມລິກາທີ່ຢ້ຽມຢາມຫວຽດນາມເປັນຄັ້ງທຳອິດ ພາຍຫຼັງສົງຄາມຫວຽດນາມປີ 1975 ສິ້ນສຸດລົງ. ທ່ານເກິ໋ງສວງກ່າວໃນພິທີຖະແຫຼງຂ່າວວ່າ, ຈີນບໍ່ມີຄວາມເຫັນຕໍ່ປະເທດທີ່ກ່ຽວຂ້ອງເສີມຂະຫຍາຍການພົວພັນເປັນປົກກະຕິ ແລະ ດຳເນີນການຮ່ວມມືກັນຕາມປົກກະຕິ. ຂະນະດຽວກັນ, ຈີນກໍຫວັງໃຫ້ການຮ່ວມມືທີ່ກ່ຽວຂ້ອງສາມາດສ້າງຜົນດີໃຫ້ແກ່ສັນຕິພາບ, ສະເຖຍລະພາບ ແລະ ຄວາມຈະເລີນຮຸ່ງເຮືອງຂອງພາກພື້ນ.