ຈີນກຳລັງສ້າງສູນການຮ່ວມມືລະດົມທຶນສາກົນ "ໜຶ່ງແລວໜຶ່ງເສັ້ນທາງ"
2018-03-07 16:32:24 cri
ທ່ານ ສືຢ້າວປິ່ນ ຮອງລັດຖະມົນຕີກະຊວງການເງິນຈີນ ໄດ້ຕອບຄຳຖາມຂອງນັກຂ່າວ CRI ໃນກອງປະຊຸມຖະແຫຼງຂ່າວຂອງກອງປະຊຸມສະພາປະຊາຊົນແຫ່ງຊາດຈີນຄັ້ງທີ 1 ຊຸດທີ 13 ໃນວັນທີ 7 ມີນານີ້ວ່າ, ປັດຈຸບັນ, ກຳລັງຜັນຂະຫຍາຍໝາກຜົນຂອງເວທີປຶກສາຫາລືສຸດຍອດການຮ່ວມມືສາກົນ "ໜຶ່ງແລວໜຶ່ງເສັ້ນທາງ" ທີ່ໄຂຂຶ້ນໃນປີຜ່ານມາ, ສ້າງຕັ້ງສູນການຮ່ວມມືລະດົມທຶນສາກົນ. ນອກນີ້, ກະຊວງຕົນຍັງຈະສືບຕໍ່ຊຸກຍູ້ການເຈລະຈາພາສີດ່ານຫຼາຍຝ່າຍແລະສອງຝ່າຍ, ຊຸກຍູ້ການສ້າງເຂດການຄ້າເສລີ, ຊຸກຍູ້ການເປີດປະຕູແບບເທົ່າທຽມກັນຕໍ່ປະເທດຫຼືເຂດແຄວ້ນທີ່ກ່ຽວຂ້ອງກັບ "ໜຶ່ງແລວໜຶ່ງເສັ້ນທາງ", ແລະເຮັດວຽກຫຼຸດຜ່ອນພາສີດ່ານກັບປະເທດທີ່ໄດ້ເຊັນສັນຍາແລ້ວ.
