ຈັດ​ກອງ​ປະ​ຊຸມ​ເວ​ທີ​ປຶກ​ສາ​ຫາ​ລື​ການ​ຄ້າ​ແລະ​ການ​ລົງ​ທຶນ​ຈີນ-ກຳ​ປູ​ເຈຍ​ຢູ່​ພະ​ນົມ​ເປັນ
2018-03-08 11:22:11  cri 
ສະ​ພາ​ການ​ຄ້າ​ສາ​ກົນ​ຈີນ​ໄດ້​ຮ່ວມ​ກັບ​ສະ​ພາມົນ​ຕີ​ການ​ພັດ​ທະ​ນາ​ກຳ​ປູ​ເຈຍ, ອົງ​ການ​ພັດ​ທະ​ນາ​ອຸດ​ສາ​ຫະ​ກຳ​ສະ​ຫະ​ປະ​ຊາ​ຊາດ​ຈັດ​ກອງ​ປະ​ຊຸມ​ເວ​ທີ​ປຶກ​ສາ​ຫາ​ລື​ການ​ຄ້າ​ແລະ​ການ​ລົງ​ທຶນ​ຈີນ-ກຳ​​ປູ​ເຈຍ2018ຢູ່​ນະ​ຄອນຫຼວງ​ພະ​ນົມ​ເປັນ ​ໃນ​ຕອນ​ເຊົ້າ​ວັນ​ທີ 7 ມີ​ນາ​ນີ້​ເພື່ອ​ລົງ​ເລິກ​ການ​ຮ່ວມ​ມື​ດ້ານ​ເສດ​ຖະ​ກິດ​ການ​ຄ້າ​ລະ​ຫວ່າງ​ສອງ​ປະ​ເທດ​ກໍ​ຄື​ການ​ພັດ​ທະ​ນາ​ເສດ​ຖະ​ກິດ​ພາກ​ພື້ນ​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງ.

ທ່ານ​ນາ​ຣິນ​​ຊົກ ຜູ້​ຕາງ​ໜ້າ​ອົງ​ການ​ພັດ​ທະ​ນາ​ອຸດ​ສາ​ຫະ​ກຳ​ສະ​ຫະ​ປະ​ຊາ​ຊາດ​ປະ​ຈຳ​ກຳ​ປູ​ເຈຍ​ປະ​ກອບ​ຄຳ​ເຫັນ​ໃນ​ກອງ​ປະ​ຊຸມ​ດັ່ງ​ກ່າວ​ວ່າ: ເວ​ທີ​ປຶກ​ສາ​ຫາ​ລື​ຄັ້ງ​ນີ້​ເປັນ​ກິດ​ຈະ​ກຳ​ທີ່ນອນ​ຢູ່​ໃນ​ໂຄງ​ການ​ຮ່ວມ​ມື​ປະ​ເທດ​ຄູ່​ຮ່ວມ​ລະ​ຫວ່າງ​ອົງ​ການ​ພັດ​ທະ​ນາ​ອຸດ​ສາ​ຫະ​ກຳ​ສະ​ຫະ​ປະ​ຊາ​ຊາດ​ກັບ​ລັດ​ຖະ​ບານ​ກຳ​ປູ​ເຈຍ ເຊິ່ງ​ມີ​ຄວາມ​ໝາຍ​ສຳ​ຄ���ນ​ຫຼາຍ​ຕໍ່​ການ​ດຶງ​ດູດ​ການ​ລົງ​ທຶນ​ແລະ​ນຳ​ເຂົ້າ​ເຕັກ​ນິກ​ກ້າວ​ໜ້າ​ຈາກ​ຈີນ​, ພັດ​ທະ​ນາ​ຂະ​ແໜງ​ການ​ທ່ອງ​ທ່ຽວ​ຂອງ​ກຳ​ປູ​ເຈຍ,ຊຸກ​ຍູ້​ການ​ພັດ​ທະ​ນາ​ອຸດ​ສາ​ຫະ​ກຳຫຼາຍ​ເຄົ້າແລະ​ການ​ສ້າງ​ເຂດ​ເສດ​ຖະ​ກິດ​ພິ​ເສດ.

ຂ່າວ​ແຈ້ງ​ຕື່ມ​ວ່າ: ນັກ​ທຸ​ລະ​ກິດ​ຈີນ​ຈາກ​ຂົງ​ເຂດ​ພື້ນ​ຖານ​ໂຄ່ງ​ລ່າງ,ພະ​ລັງ​ງານ​ແລະ​ໄຟ​ຟ້າ, ການ​ຜະ​ລິດ​ລົດ​ຍົນ,ວິ​ທະ​ຍາ​ສາດ​ເຕັກ​ໂນ​ໂລ​ຊີ​ການ​ແພດ​ແລະ​ອື່ນໆ​ເກືອບ 50 ທ່ານ​ໄດ້​ເຂົ້າ​ຮ່ວມກອງ​ປະ​ຊຸມ​ເວ​ທີ​ປຶກ​ສາ​ຫາ​ລື​ຄັ້ງ​ນີ້​ ແລະ​ຍັງ​ມີ​ຜູ້​ຕາງ​ໜ້າ​ຈາກ​ພາ​ກ​ສ່ວນ​ລັດ​ຖະ​ບານ, ອົງ​ການ​ສົ່ງ​ເສີມ​ການ​ຄ້າ​ແລະ​ການ​ລົງ​ທຶນ,ສະ​ມາ​ຄົມ​ການ​ຄ້າ​ແລະ​ວິ​ສາ​ຫະ​ກິດ​ຈີນ​ແລະ​ກຳ​ປູ​ເຈຍ 120 ກວ່າ​ທ່ານກໍ​ໄດ້​ເຂົ້າ​ຮ່ວມກອງ​ປະ​ຊຸມ​ຄັ້ງ​ນີ້​ເຊັ່ນ​ກັນ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ