ວັນທີ 7 ມີນານີ້, ຄະນະກຳມາທິການສະຫະພາບເອີຣົບໄດ້ປະກາດຫຼັງກອງປະຊຸມວ່າ: ກອງປະຊຸມຄັ້ງນີ້ໄດ້ຮັບຮອງເອົາແຜນການອອກມາດຕະການທີ່ແນໃສ່ອາເມລິກາຂຶ້ນເຫຼັກກ້າ ແລະອາລູມີນຽມຕື່ມ.
ຄະນະກຳມາທິການສະຫະພາບເອີຣົບໄດ້ອອກຖະແຫຼງການວ່າ: ຖ້າອາເມລິກາປະກາດຂຶ້ນພາສີນຳເຂົ້າເຫຼັກກ້າ ແລະອາລູມີນຽມຕື່ມ ແລະສ້າງຜົນກະທົບຕໍ່ເສດຖະກິດສະຫະພາບເອີຣົບນັ້ນ, ສະຫະພາບເອີຣົບກໍຈະອອກມາດຕະການຄູ່ກັບການກະທຳຂອງອາເມລິກາ ທັງສອດຄ່ອງກັບກົດລະບຽບຂອງWTO.
ທ່ານໂດນານ ທຣຳ ປະທານາທິບໍດີອາເມລິກາໄດ້ປະກາດໃນທ້າຍອາທິດຜ່ານມາວ່າ: ຈະອອກມາດຕະການຮູບປະທຳກ່ຽວກັບການຂຶ້ນພາສີນຳເຂົ້າຜະລິດຕະພັນເຫຼັກກ້າ ແລະອາລູມີນຽມສູງຂຶ້ນອີກ 25% ແລະ 10% ໃນອາທິດນີ້. ການກະທຳດັ່ງກ່າວບໍ່ພຽງແຕ່ເຮັດໃຫ້ຄູ່ຄ້າຫຼາຍປະເທດບໍ່ພໍໃຈເທົ່ານັ້ນ, ພາຍໃນປະເທດກໍມີສຽງຄັດຄ້ານເຊັ່ນກັນໂດຍເປັນຫ່ວງການກະທຳດັ່ງກ່າວຈະສ້າງຜົນເສຍຫາຍຕໍ່ການສ້າງວຽກເຮັດງານທຳ ແລະເຮັດໃຫ້ປະເທດຄູ່ຄ້າອອກມາດຕະການແກ້ຄືນຢ່າງຮີບດ່ວນ.