ນັກ​ສຶກສາ​ໄທ​ໄປ​ຮຽນ​ເຕັກນິກ​ລົດ​ໄຟ​ຄວາມ​ໄວ​ສູງ​ຢູ່​ຈີນ
2018-03-09 10:56:24  cri 

ຕອນ​ເຊົ້າວັນ​ທີ 8 ມີນາ​ນີ້, ວິທະຍາ​ໄລ​ເຕັກນິກ-ວິຊາ​ຊີບ​ທາງ​ລົດ​ໄຟຫຼິວ​ໂຈ່​ວກວາງ​ຊີ ​ໄດ້​ຈັດ​ພິທີ​ເປີດພາກຮຽນໃຫ້​ແກ່​ນັກ​ສຶກສາ​ໄທ 28 ຄົນ ທີ່​ມາ​ຮຽນ​ເຕັກນິກ​ລົດ​ໄຟ​ຄວາມ​ໄວ​ສູງ​ຢູ່​ຈີນ.

ຄຽງ​ຄູ່​ກັບ​ການ​ຮ່ວມ​ມື​ດ້ານ​ລົດ​ໄຟ​ຄວາມ​ໄວ​ສູງ​ລະຫວ່າງ​ຈີນ-​ໄທ​ໄດ້​ເຂົ້າສູ່​ລວງ​ເລິກ ​ແລະ ​ເພື່ອ​ແກ້​ໄຂ​ບັນຫາ​ການ​ຂາດ​ຜູ້​ມີ​ຄວາມ​ຮູ້​ຄວາມ​ສາມາດ​ຂອງ​ໄທໃນ​ການພັດທະນາ​ທາງລົດ​ໄຟ​ຂອງ​ປະ​ເທດ​ຕົນ ວິທະຍາ​ໄລ​ເຕັກນິກ-ວິຊາ​ຊີບທາງ​ລົດ​ໄຟຫຼິວ​​ໂຈ່​ວ ​ແລະ ​ສະ​ຖາ​ບັນ​ການ​ສຶກສາ​ຊັ້ນສູງຫຼາຍ​ແຫ່ງ​ຂອງ​ໄທ ຈຶ່ງ​ມີ​ການ​ແລກປ່ຽນ​ແລະ​ຮ່ວມ​ມື​ກັນ​ຢ່າງ​ເລິກ​ເຊິ່ງ.

ທ່ານ​ໂຈ່​ວຫຼັນ ຫົວໜ້າ​ພະ​ແນ​ກວຽກ​ງານ​ການ​ສຶກສາ ວິທະຍາ​ໄລ​ເຕັກນິກ-ວິຊາ​ຊີບ​ທາງ​ລົດ​ໄຟຫຼິວ​ໂຈ່​ວ ກ່າວ​ວ່າ: ປີ 2015, ວິທະຍາ​ໄລ​ຕົນ ​​ແລະ ວິທະຍາ​ໄລ​ເຕັກນິກ​ພານິດ​ແຂວງ​ພະນະ​ຄອນ​ສີ​ອະ​ຍຸດ​ທະຍາ​ຂອງ​ໄທ ​ໄດ້​ເຊັນ​ສັນຍາ​ຮ່ວມ​ມື ​ໂດຍ​ກຳນົດ​ຮ່ວມ​ກັນ​ອົບຮົມ​ສ້າງ​ນັກ​ສຶກ​ສາດ້ວຍ​ຮູບ​ແບບການຮ່ວມ​ມື "1+1,5" ກໍ​ຄື ​ໃຫ້​ນັກ​ສຶກສາ​ໄທ​ຮຽນ​ຢູ່​ໄທ 1 ປີ​ກ່ອນ, ​ຖ້າວ່າໄດ້ຜົນ​ຮຽນ​ດີ​ຕາມ​ມາດຕະຖານ ທັງ​ໄດ້​ໃບຢັ້ງຢືນ​ລະດັບ​ພາສາ​ຈີນ​ທີ່​ສົມ​ຄູ່​ກັນ ​ແລະ​ໄດ້​ຕາມ​ຄວາມ​ຮຽກ​ຮ້ອງ​ຕ້ອງການ​ຂອງວີ​ຊາ ​ແລ້ວ​ຈຶ່ງ​ໃຫ້​ໄປ​ຮຽນ​ຕໍ່​ຢູ່​ຈີນ​ຕື່ມ​ອີກ​ໜຶ່ງ​ປີ​ເຄິ່ງ.

ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ