13 ​ແຂວງ​​ຂອງ​ໄທເປັນ​ເຂດທີ່​ມີຄວາມ​ສ່ຽງ​ສູງ​ທີ່ເກີດ​ພະຍາດ​ວໍ້
2018-03-09 16:10:22  cri 

ກົມປ້ອງ​ກັນ​​ພະຍາດ ກະຊວງ​ສາທາລະນະ​ສຸກ​ໄທ​ປະກາດ​ເມື່ອ​ບໍ່​ດົນ​ມາ​ນີ້​ວ່າ: ນັບ​ແຕ່​ຕົ້ນປີ​ນີ້​ເປັນຕົ້ນມາ, ​ໃນທົ່ວປະ​ເທດ​ມີ 3 ຄົນ​​ເສຍ​ຊີວິດ​ຍ້ອນ​ເປັນ​ວໍ້ ​ແລະ ສັດ​ຕິດ​ເຊື້ອ​ວໍ້​ມີ​ຫຼາຍກວ່າ 250 ​ໂຕ. ປັດຈຸບັນ, ​ໄທ​ໄດ້​ຈັດ​ເອົາ 13 ​ແຂວງ​ເປັນ​ເຂດ​ທີ່ມີຄວາມ​ສ່ຽງ​ສູງ​ທີ່​ເກີດ​ພະຍາດ​ວໍ້ ​ແລະ ອີກ 42 ​ແຂວງ​ກໍ​ຖືກຈັດເປັນ​ເຂດທີ່​ອາດ​ຈະ​ເກີດ​ພະຍາດ​ດັ່ງກ່າວ.

​ເຂດ​ມີ​ຄວາມ​ສ່ຽງ​ສູງ​ທີ່​ຈະ​ເກີດ​ພະຍາດ​ວໍ້​ນັ້ນ ຄື ພາກ​ຕາ​ເວັນ​ອອກສຽງ​ເໜືອ, ພາກ​ຕາ​ເວັນ​ອອກ, ພາກ​ເໜືອ ​ແລະ ພາກ​ໃຕ້​ຂອ​ງ​ໄທ. ​ເພື່ອ​ປ້ອງ​ກັນ​ບໍ່​ໃຫ້​ພະຍາດ​ດັ່ງກ່າວ​ແຜ່​ລະບາດ​ໄປ​​ທົ່ວ​ປະ​ເທດ ວັນ​ທີ 8 ມີນາ​ນີ້, ​ແຂວງ​ຕ່າງໆ​ຂອງ​ໄທ ກໍ​ໄດ້​ສັກ​ຢາ​ກັນ​ວໍ້​ໃຫ້​ແກ່​ແມວ ​ແລະ ໝາ ທັງ​ສົ່ງ​ໝາ​ບໍ່​ມີ​ເຈົ້າຂອງ​ທີ່​ສົງ​ໄສ​ເປັນ​ວໍ້​ໄປ​ກັກ​ໄວ້​ຢູ່​ໂຮງ​ຮັບ​ດູ​ແລ​ໝາ.

ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ