ທ່ານ ວາງຢີ້ ລັດຖະມົນຕີກະຊວງການຕ່າງປະເທດຈີນ ກ່າວໃນວັນທີ 8 ມີນານີ້ວ່າ, ປັດຈຸບັນ, ສະຖານະການທະເລຈີນໃຕ້ ໄດ້ມີທ່ວງທ່າຂະຫຍາຍຕົວໄປທາງທີ່ດີຢ່າງເດັ່ນຊັດ, ປະເທດຕົນແລະປະເທດໃນອາຊຽນໄດ້ມີຄວາມເປັນເອກະພາບກັນໃນລະດັບສູງແລ້ວ. ສິ່ງທ້າທາຍຕົ້ນຕໍໃນປັດຈຸບັນແມ່ນອິດທິກຳລັງພາຍ ນອກຈຳນວນໜຶ່ງບໍ່ຍອມຮັບ ແລະຢາກເກາະຜິດສະເໝີ, ພ້ອມທັງສົ່ງກຳປັ່ນຫຼືຍົນທີ່ປະກອບອາວຸດໄປທະເລຈີນໃຕ້ເພື່ອອວດກຳລັງອາວຸດ ເຊິ່ງໄດ້ກາຍເປັນບັນຫາທີ່ໃຫຍ່ທີ່ສຸດໃນການລົບກວນສັນຕິພາບແລະສະຖຽນລະພາບຂອງທະເລຈີນໃຕ້.
ທ່ານ ວາງຢີ້ ໄດ້ກ່າວທັດທະນະດັ່ງກ່າວໃນກອງປະຊຸມຖະແຫຼງຂ່າວຂອງ ກອງປະຊຸມສະພາປະຊາຊົນແຫ່ງຊາດຈີນຄັ້ງທີ 1 ຊຸດທີ 13. ທ່ານກ່າວຕື່ມວ່າ, ຈີນແລະປະເທດອາຊຽນ ຍິນດີຮ່ວມກັນປົກປັກຮັກສາສະພາບຄວາມສະຫງົບທີ່ໄດ້ມາບໍ່ແມ່ນງ່າຍໃນປັດຈຸບັນ ໂດຍຜ່ານການຈັດວາງ "ກົດແຫ່ງການປະພຶດຢູ່ທະເລຈີນໃຕ້" ຫຼື COC. ບໍ່ເທົ່າໃດມື້ຜ່ານມາ, ສອງຝ່າຍໄດ້ປຶກສາຫາລືເປັນຄັ້ງທຳອິດກ່ຽວກັບເນື້ອໃນຂອງ COC ແລະໄດ້ຮັບຄວາມຄືບໜ້າທີ່ຕັ້ງໜ້າ ທັງໄດ້ຕົກລົງກັນວ່າ ຢ່າງໜ້ອຍຈະຈັດການປຶກສາຫາລື 3 ຄັ້ງພາຍໃນປີນີ້. ຈີນແລະປະເທດອາຊຽນ ມີຄວາມຍິນດີ ແລະມີຄວາມສາມາດຈັດວາງກະຕິກາໃນພາກພື້ນທີ່ສອດຄ່ອງກັບສະພາບຕົວຈິງຂອງພາກພື້ນແລະບັນດາຝ່າຍເຄົາລົບຮ່ວມກັນດ້ວຍຮູບການຂອງຕົນເອງ.
 |
