ທ່ານ ຊຽນຢິງອີ່ ສະມາຊິກສະພາປຶກສາການເມືອງປະຊາຊົນແຫ່ງຊາດຈີນ, ຮອງປະທານສະຫະພັນອຸດສາຫະກຳການຄ້າຈີນ ກ່າວຢູ່ນະຄອນຫຼວງປັກກິ່ງໃນວັນທີ 8 ມີນານີ້ວ່າ, ກອງປະຊຸມໃຫຍ່ພັກກອມມູນິດຈີນຄັ້ງທີ 19 ກຳນົດໃຫ້ເສດຖະກິດຈີນຫັນຈາກການພັດທະນາດ້ວຍຄວາມໄວສູງປ່ຽນໄປສູ່ການພັດທະນາດ້ວຍຄຸນນະພາບສູງ, ນີ້ແມ່ນການປ່ຽນແປງລັກສະນະຍຸດທະສາດ.
ທ່ານ ຊຽນຢິງອີ່ ກ່າວຕື່ມວ່າ, ຈີນໄດ້ວາງເປົ້າໝາຍການເຕີບໂຕຂອງເສດຖະກິດໃນປີນີ້ໃຫ້ຢູ່ໃນລະດັບ 6,5%, ເຊິ່ງຕ່ຳກວ່າການເຕີບໂຕຕົວຈິງໃນປີຜ່ານມາ 0,4% ທັງນີ້ກໍເພື່ອຈົ່ງຊ່ອງຫວ່າງໄວ້ໃຫ້ການຫັນປ່ຽນດັ່ງກ່າວ. ນອກນີ້, 10 ກວ່າແຂວງຂອງຈີນໄດ້ປັບຄາດໝາຍການເຕີບໂຕຂອງເສດຖະກິດໃຫ້ຕ່ຳລົງ ກໍເພື່ອເຮັດໃຫ້ເສດຖະກິດຈາກການເຕີບໂຕດ້ວຍຄວາມໄວສູງຫັນປ່ຽນໄປສູ່ການພັດທະນາດ້ວຍຄຸນນະພາບສູງ, ການຫັນປ່ຽນດັ່ງກ່າວມີຄວາມໝາຍຫຼາຍ ແລະແມ່ນສັນຍານທີ່ສຳຄັນ. ສ່ວນການຫັນປ່ຽນຮູບການພັດທະນາຂອງເສດຖະກິດ, ຍົກສູງປະສິດທິພາບ ແລະກາຍເປັນການເຕີບໂຕພາຍໃນນັ້ນ ແມ່ນມີລັກສະນະທ້າທາຍໃຫຍ່ກວ່າເກົ່າ.