ໄທ​ຈັດ​ງານ​ວາງສະ​ແດງ "​ເສັ້ນທາງ​ສາຍ​ໄໝ​ທາງ​ທະ​ເລ"
2018-03-12 10:56:24  cri 

​ແຂວງ​ສົງຂາ ທາງ​ພາກ​ໃຕ້​ໄທ ​ໄດ້​ຈັດ​ງານ​ວາງສະ​ແດງ  "​ເສັ້ນທາງ​ສາຍ​ໄໝ​ທາງ​ທະ​ເລ" ​ໃນ​ວັນ​ທີ 10 ມີນາ​ນີ້ ​ໂດຍ​ທ່ານ​ວິສະນຸ ​ເຄືອ​ງາມ ຮອງ​ນາຍົກລັດຖະມົນຕີ​ໄທ, ທ່ານ​ຫຼີວ໌ຈ້ຽນ ​ເອກ​ອັກຄະ​ລັດຖະທູດ​ຈີນ​ປະຈຳ​ໄທ ພ້ອມ​ດ້ວຍ​ບຸກຄົນ​ວົງ​ການ​ການ​ເມືອງ​ຂອງ​ໄທ, ຜູ້​ແທນ​ຈາກ​ສະມາຄົມ​ຊາວ​​ຈີນ​​ພາກ​ໃຕ້​ໄທ ​ແລະ ປະຊາຊົນ​ໄທ​ປະມານ 1.500 ຄົນ​ເຂົ້າຮ່ວມ.

ທ່ານ​ວິສະນຸ ​ໄດ້​ກ່າວ​ປາ​ໄສ ​ໂດຍ​ໄດ້​ແນະນຳ​ສົງ​ຂາ​ທີ່​ພົວພັນ​ກັບ​ເສັ້ນທາງ​ສາຍ​ໄໝ​ທາງ​ທະ​ເລ ​ແລະ ປະຫວັດ​ຄວາມ​ເປັນ​ມາ​ຂອງ​ສາຍ​ພົວພັນສະໜິດສະໜົມ​​ລະຫວ່າງ​ໄທ-ຈີນ ທ່ານ​ກ່າວ​ວ່າ: ​ໃນ​ປະຫວັດສາດ, ​ໄທ​ໄດ້​ຮັບ​ບົດບາດ​ຈາກ​ຈີນ​ຢ່າງ​ເລິກ​ເຊິ່ງ ​ແລະ​ການ​ຮ່ວມ​ມື​ລະຫວ່າງ​ສອງ​ປະ​ເທດ​ຈະ​ສ້າງ​ຜົນ​ປະ​ໂຫຍ​ດ​ໃຫ້​ແກ່​ໄທ​ທັງ​ນັ້ນ. ທ່ານ​ວິສະນຸ ສົ່ງ​ເສີມ​ໃຫ້​ວົງ​ການ​ຕ່າງໆ​ໃນ​ສົງ​ຂາ​ ຈົ່ງຕັ້ງໜ້າ​ເຂົ້າຮ່ວມ​ການ​ສ້າງ "ໜຶ່ງ​ແລວ​ໜຶ່ງ​ເສັ້ນທາງ" ​​ໂດຍ​ເສີມ​ຂະຫຍາຍ​ທ່າ​ແຮງທາງ​ພູມິ​ພາກ​ທີ່​ສຳຄັນ​ຂອງ​ຕົນ​ທີ່​ເປັນ​ປະຕູ​ແຫ່ງ​ເສັ້ນທາງ​ສາຍ​ໄໝ​ທາງ​ທະ​ເລ​ຜ່ານ​ໄປ​ສູ່​ອາ​ຊຽນ.

ທ່ານຫຼີວ໌ຈ້ຽນ ກ່າວ​ປາ​ໄສ​ວ່າ: ຈີນ​ຍຶດໝັ້ນຫຼັກການ​ທີ່ຫາລື​ຮ່ວມ​ກັນ, ສ້າງສາ​ຮ່ວມ​ກັນ ​ແລະ ຊົມ​ໃຊ້​ຮ່ວມ​ກັນ ​ໃນ​ການ​ຊຸກຍູ້​ການ​ສ້າງ "ໜຶ່ງ​ແລວ​ໜຶ່ງ​ເສັ້ນທາງ" ​ແລະ ​ໃນ​ຕໍ່ໜ້າ, ຈີນ​ຈະ​ເປີດ​ກວ້າງ​ການ​ໄຂ​ປະຕູ​ສູ່​ພາຍ​ນອກ​ຕື່ມ​ອີກ ຮ່ວມ​ກັບ​ບັນດາ​ຝ່າຍ​ຊຸກຍູ້​ການ​ສ້າງ "ໜຶ່ງ​ແລວ​ໜຶ່ງ​ເສັ້ນທາງ" ຢ່າງ​ມີ​ຄຸນ​ນະພາ​ບສູງ ​ໂດຍ​ທັງ​ເພີ່ມ​ທະວີການ​ເຊື່ອມ​ຈອດ​​ພື້ນຖານ​ໂຄງ​ລ່າງ ທັງ​ມີ​ການເຊື່ອມ​ຈອດດ້ານ​ນະ​ໂຍບາຍ, ກົດ​ລະບຽບ ​ແລະ ມາດຕະຖານ​ອີກ​ດ້ວຍ ​ເພື່ອ​ໃຫ້​ຜົນ​ການ​ຮ່ວມ​ມື​ເປັນ​ປະ​ໂຫຍ​ດຕໍ່​ທົ່ວ​ໂລກ.

ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ