ຂໍ້​ລິ​ເລີ່​ມ "ໜຶ່ງ​ແລວ​ໜຶ່ງ​ເສັ້ນທາງ" ນຳພາ​ສາຍ​ພົວພັນ​ລະຫວ່າງ​ຈີນ-ສິງກະ​ໂປ​ກ້າວ​ໄປສູ່​ອະນາຄົດ
2018-03-12 16:25:09  cri 

ທ່ານ​ຝາງ​ຊິ່ນ​ເຫ​ວິນ ອຸປະ​ທູດ​ຊົ່ວຄາວ​ຂອງ​ຈີນ​ປະຈຳ​ສິງກະ​ໂປ ​ໄດ້ຂຽນ​ບົດ​ຄວາມທີ່​ພາດ​ຫົວ​ວ່າ "ການ​ຮ່ວມ​ມືໜຶ່ງ​ແລວ​ໜຶ່ງ​ເສັ້ນທາງ​ລະຫວ່າງ​ຈີນ-ສິງກະ​ໂປ ສະ​ແດງ​ໃຫ້​ເຫັນ​ໂດຍ​ການ​ກະທຳ​ແລະ​ຜົນ​ໄດ້​ຮັບ​ຕົວ​ຈິງ" ​ລົງ​ໜັງ​ສື​ພິມ "ຫຼຽນ​ເຫີ​ຈາວ​ປ້າວ" ຂອງ​ສິງກະ​ໂປ​ສະບັບ​ວັນ​ທີ 12 ມີນາ​ນີ້ ​ໂດຍ​​ແນະນຳການ​ຮ່ວມ​ມື​ທຸກ​ປະການ​ລະຫວ່າງ​ສອງ​ປະ​ເທດ​ໃນ​ຂອບ​ຂໍ້​ລິ​ເລີ່​ມ "ໜຶ່ງ​ແລວ​ໜຶ່ງ​ເສັ້ນທາງ" ​ແລະ ກ່າວ​ວ່າ "ໜຶ່ງ​ແລວ​ໜຶ່ງ​ເສັ້ນທາງ" ພວມ​ນຳພາ​ສາຍ​ພົວພັນ​ລະຫວ່າງ​ຈີນ-ສິງກະ​ໂປ​ກ້າວ​ໄປສູ່​ອະນາຄົດ.

ບົດ​ຄວາມ​ລະບຸ​ວ່າ: ຂໍ້​ລິ​ເລີ່​ມ "ໜຶ່ງ​ແລວ​ໜຶ່ງ​ເສັ້ນທາງ" ສາມາດ​ນຳພາ​ສາຍ​ພົວພັນ​ລະຫວ່າງ​ຈີນ-ສິງກະ​ໂປ ກ້າວ​ໄປ​ສູ່​ທິດ​ທາງ​ໃໝ່ ​ເນື່ອງ​ຈາກ​ວ່າ​ມັນ​​ເປັນ​ຕົວ​ແທນ​ ແລະໂອກາດຂອງ​ຍຸກ​ໂລກາ​ພິວັດ ທັງ​ສະ​ແດງ​ໃຫ້​ເຫັນ​ເຖິງ​ທັດສະນະ​ແລະ​ເປົ້າໝາຍ​ການ​ພັດທະນາຮ່ວມ​ຂອງ​ສອງ​ປະ​ເທດ ສະນັ້ນ, ຈຶ່ງ​ຈະ​ສາມາດສ້າງ​ພະລັງ​ຊຸກ​ດັນ​ຖາວອນ​ໃໝ່​ໃຫ້​ແກ່​ການ​ຮ່ວມ​ມື​ລະຫວ່າງ​ຈີນ-ສິງກະ​ໂປ.

ຂ່າວ​ແຈ້ງ​ຕື່ມ​ວ່າ: ນັບ​ແຕ່​ປີ 2013 ​ເປັນຕົ້ນມາ, ສິງກະ​ໂປ​ເປັນ​ແຫຼ່ງທຶນ​ຕ່າງປະ​ເທດ​ໃຫຍ່​ອັນ​ດັບ​ໜຶ່ງ​ຂອງ​ຈີນ​ມາ​ໂດຍ​ຕະຫຼອດ ​ແລະ ຈີນ​ກໍ​ເປັນ​ຄູ່​ຄ້າ​ໃຫຍ່​ອັນ​ດັບ​ໜຶ່ງ​ຂອງສິງກະ​ໂປ. ກະຊວງ​ການ​ຄ້າ​ຈີນ​ເປີດ​ເຜີຍ​ວ່າ: ສິງກ​ະ​ໂປ​ລົງທຶນ​ຢູ່​ຈີນ ກວມ​ຍອດການ​ລົງທຶນຢູ່​ຈີນ​ຂອງ​ປະ​ເທດ​ຢູ່​ລຽບ​ຕາມ "ໜຶ່ງ​ແລວ​ໜຶ່ງ​ເສັ້ນທາງ" ​ເຖິງ 85%, ຂະນະ​ທີ່​ຈີນ​ລົງທຶນ​ຢູ່​ສິງກະ​ໂປກ​ວມ​ເກືອບ 1/3 ຂອງ​ຍອດການ​ລົງທຶນ​ຢູ່​ປະ​ເທດ​ລຽບ​ຕາມ "ໜຶ່ງ​ແລວ​ໜຶ່ງ​ເສັ້ນທາງ" ຂອງ​ຈີນ.

ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ