ເລຂາທິການກຳມາທິການຍັດຕິ ສະພາປະຊາຊົນມຽນມາ ເຫັນວ່າ: ຈີນມີບົດຮຽນທີ່ສຳເລັດຜົນຢ່າງຫຼວງຫຼາຍໃນການກ້າວເດີນໄປພ້ອມກັບການພັດທະນາຂອງຍຸກສະໄໝ ແລະ ຊຸກຍູ້ການປະຕິຮູບ-ໄຂປະຕູສູ່ພາຍນອກ, ຂະນະທີ່ການດັດແກ້ລັດຖະທຳມະນູນກໍເປັນຄວາມພະຍາຍາມຫຼ້າສຸດຂອງພັກກອມມູນິດຈີນ, ລັດຖະບານ ແລະ ປະຊາຊົນຈີນ ບົນພື້ນຖານຄວາມຕ້ອງການຈາກການພັດທະນາຂອງຍຸກສະໄໝ ແລະເປັນບາດກ້າວທີ່ສຳຄັນແຫ່ງການພັດທະນາຂອງຈີນ ເຊິ່ງຈະເປັນການຂຽນໜ້າໃໝ່ແຫ່ງການປົກຄອງປະເທດ.
ທ່ານເຄນເປຍ ຫົວໜ້າສະຖາບັນຄົ້ນຄວ້າການພົວພັນສາກົນ ທີ່ຂຶ້ນກັບສະຖາບັນຄົ້ນຄວ້າແຫ່ງຊາດກຳປູເຈຍ ເຫັນວ່າ: ຈີນຖືເອົາປະເທດອື່ນເປັນເພື່ອນມິດຂອງຕົນທັງໝົດ ແລະຫວັງວ່າຈະສ້າງເປັນໂລກທີ່ສັນຕິພາບ, ສະຖຽນລະພາບ ແລະຊົມໃຊ້ຜົນການພັດທະນາຮ່ວມກັນ ແລະ ດ້ວຍການຊີ້ນຳຈາກເປົ້າໝາຍດັ່ງກ່າວ ຈີນຈະສ້າງສາຍພົວພັນກັບປະເທດອື່ນໃຫ້ແໜ້ນແຟ້ນຍິ່ງຂຶ້ນ.