ຕາມຂ່າວ CRI: ໃນການສຳພາດຂ່າວ "ຊ່ອງທາງຜູ້ແທນ" ຄັ້ງທີ 3 ຂອງກອງປະຊຸມໃຫຍ່ຄັ້ງທຳອິດຂອງສະພາຜູ້ແທນປະຊາຊົນແຫ່ງຊາດຈີນຊຸດທີ 13 ທີ່ຈັດຂຶ້ນໃນວັນທີ 11 ມີນານີ້, ທ່ານລິວຊິ້ງເຟີ່ງ ຜູ້ແທນສະພາປະຊາຊົນແຫ່ງຊາດຈີນ, ຜູ້ອຳນວຍການໃຫຍ່ບໍລິສັດຫຸ້ນສ່ວນ iflytek ຈີນຈຳກັດກ່າວວ່າ, ສະຕິປັນຍາທຽມຫຼື AI ໄດ້ມີເງື່ອນໄຂທີ່ເປັນໝໍປົວພະຍາດທົ່ວໄປແລ້ວ.
ວັນທີ 2 ມີນາປີນີ້, ແຂວງອ່ານຫຸ່ຍຂອງຈີນໄດ້ເປີດບໍລິການຊ່ວຍເຫຼືອກວດພະຍາດທົ່ວໄປດ້ວຍສະຕິປັນຍາທຽມຫຼື AI, ໃນພະຍາດ 150 ກວ່າປະການນັ້ນສາມາດບັນລຸລະດັບຂອງທ່ານໝໍປົວພະຍາດທົ່ວໄປດີເດັ່ນ. ທ່ານລິວຊິ້ງເຟີ່ງ ເຊື່ອວ່າ, ການສ້າງເວທີກວດພະຍາດທາງອິນເຕີເນັດດ້ວຍສະຕິປັນຍາທຽມແບບນີ້, ຈະເຮັດໃຫ້ໂຮງໝໍຂັ້ນເມືອງ, ຊົນນະບົດແລະໂຮງໝໍຢູ່ເຂດທຸກຍາກສາມາດເຊື່ອມເຂົ້າເວທີດັ່ງກ່າວຢ່າງສະດວກ, ທັງເປັນການຍົກສູງລະດັບກວດພະຍາດຂອງທ່ານໝໍຢູ່ເຂດເຫຼົ່ານີ້ຢ່າງວ່ອງໄວ, ແລະກໍ່ແມ່ນເລື່ອງສຳຄັນທີ່ມີສຸດສຳລັບການກໍ່ສ້າງ "ປະເທດຈີນທີ່ສຸຂະພາບແຂງແຮງ."
 |
